मराठी सिनेसृष्टीतील आणखी एक तारा आज निखळला. ज्येष्ठ अभिनेते अतुल परचुरे यांचं आज १४ ऑक्टोबर रोजी निधन झालं. गेली दोन वर्ष ते कर्करोगाशी झुंज देत होते. ते या आजारपणातून बरेही झाले होते मात्र पुन्हा एकदा त्यांची तब्येत बिघडली आणि अखेर या आजाराने त्यांना हिरावून घेतलं. एका उत्कृष्ट कलाकाराच्या निधनाने मराठी सिनेसृस्ष्टीवर शोककळा पसरली आहे. त्यात आपल्या जवळच्या मित्राच्या जाण्याने ज्येष्ठ अभिनेते अशोक सराफ यांना शोक अनावर झाला आहे. त्यांनी एबीपी माझाशी बोलताना याबद्दल प्रतिक्रिया दिली आहे.
अतुल यांच्या निधनावर बोलताना अशोक मामा म्हणाले, 'मला अगदी २ मिनिटांपूर्वी ही बातमी कळली. अत्यंत वाईट गोष्ट आहे ही. मराठी चित्रपटसृष्टीसाठी आई वैयक्तिक आमचा मित्र म्हणून एक अत्यंत वाईट गोष्ट घडलेली आहे. एक चांगला अभिनेता इंडस्ट्रीने गमावलेला आहे. मी आजपर्यंतचा त्याचा प्रवास पाहिलेला आहे. ज्या ज्या पद्धतीच्या भूमिका त्याने केल्या आहेत. त्याने स्वतःचं नाव निर्माण केलं होतं. तो पटकन असा निघून गेला म्हणजे ही सहन करण्यासारखी गोष्ट नाहीच आहे. म्हणजे असं नको घडायला पाहिजे. फार चांगला नट होता तो. फार चांगला मुलगापण होता. त्याच्यामुळे त्याचं असं जाणं सतत मनाला जाणवत राहील, सतत मनाला दुःख देत राहील. काय बोलावं मला खर्च सुचत नाहीये. शब्दच नाहीयेत माझ्याकडे.'
ते पुढे म्हणाले, 'काही कळतच नाहीये. एक खूप वाईट गोष्ट घडली. आमच्या वैयक्तिक पातळीवर माझा अत्यंत जवळचा मित्र आवडता मित्र मी गमावलाय. त्याने एका चित्रपटात माझी बालपणाची भूमिका साकारली होती. त्यामुळे मी त्याला विसरूच शकत नाहीये. एवढा जवळचा तो माझा मित्र होता.' अशोक सराफ यांना हे बोलताना हुंदका दाटून आला होता. अतुल यांनी आपल्या अभिनयाने प्रेक्षकांच्या मनावर आपला ठसा उमटवला. मात्र आता त्यांच्या जाण्याने मराठी सिनेसृष्टीचं मोठं नुकसान झालं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
