गेल्या काही महिन्यात अनेक मराठी कलाकारांनी आपल्या स्वप्नातल्या घरात गृहप्रवेश केला. मेहनत करून त्यांनी आपलं स्वतःच्या हक्काच्या घराचं स्वप्न सत्यात उतरवलं. आता या कलाकारांच्या यादीत आणखी एका अभिनेत्रीचा समावेश झाला आहे. 'बिग बॉस मराठी ३' मधील टॉप ५ ठरलेली स्पर्धक मीनल शाह हिने दिवाळीच्या मुहूर्तावर चाहत्यांना गुड न्यूज दिली आहे. मीनलने गोव्यात तिच्या हक्काचं घर खरेदी केलं आहे. तिने गोव्यात आलिशान घर बांधलं आहे. मीनलने सोशल मीडियावर एक पोस्ट शेअर करत चाहत्यांना ही आनंदाची बातमी दिली आहे. अनेक वर्ष प्रयत्न, प्लॅनिंग आणि परिश्रम यातून हे स्वप्न साकार झाल्याचं तिने सांगितलंय.
मीनलचं गोव्यातलं घर अगदी आलिशान आहे. त्याचे गृह्प्रवेशाचे फोटो तिने चाहत्यांसोबत शेअर केले आहेत. हे फोटो शेअर करत तिने लिहिलं, 'गणपती बाप्पा मोरया! त्याची सुरुवात काही वर्षांपूर्वी झाली, जेव्हा आम्ही आमच्या स्वप्नातलं घर बनवायचं ठरवलं, त्यावेळी आम्ही फक्त ठरवलं होतं आणि तेव्हा प्रत्येकजण प्रचंड उत्साहित होता. हो, पण ते वाटतंय इतकं सोपं नव्हतं, परंतु आता जेव्हा आम्ही मागे वळून पाहतो तेव्हा त्याची किंमत कळतेय. जागेची उत्तम निवड ते आम्ही ज्या प्रकारे कल्पना केली त्याप्रमाणे संपूर्ण घर तयार करण्यापर्यंत, ते रोलरकोस्टर राईडसारखं होतं. शेवटी आमचं स्वप्न सत्यात उतरलं.'
पुढे मीनलने लिहलंय, 'धनत्रयोदशीच्या शुभ मुहूर्तावर आम्ही गोव्यातील नव्या घरात प्रवेश केला. अनेक वर्षांच्या अथक परिश्रमानंतर, विश्राती न घेता आणि देवाच्या कृपेने आम्ही आमचे स्वप्न पूर्ण करू शकलो. मला स्वतःचा खूप अभिमान वाटत आहे. माझ्या कुटुंबीयांसमवेत मी गृहप्रवेश करत आहे. याबद्दल मी स्वत: ला खूप भाग्यवान समजते. “सपने देखने से लेकर उनको पूरा करने तक का सफर” शेअर करत आहे.' असं लिहीत मिनलने चाहत्यांना गुड न्यूज दिली आहे. चाहते आता तिच्यावर शुभेच्छांचा वर्षाव करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
