Entertainment News: 'बिग बॉस मराठी ५' संपल्यानंतर आता 'बिग बॉस १८' ची जोरदार हवा आहे. या पर्वाचा सध्या ५ वा आठवडा सुरू आहे. यावेळेसही वेगवेगळ्या तऱ्हेची माणसं या घरात आलीयेत. तर चौथ्या आठवड्यात अभिनेता विवियन डिसेना 'टाइम गॉड' म्हणजेच घराचा कॅप्टन झालाय. त्यामुळे त्याच्या हातात सध्या घराचे सगळेच अधिकार आहेत. पण यात तो काही जणांना पाठीशी घालत असल्याचं दिसतंय. तो स्वतःच्या ग्रुपला फेव्हर करताना दिसतोय. स्वतःच्या ग्रुपमधील लोकांना तो घरातील कमी कामं देतोय. तर इतर सदस्यांना जास्त कामांची वाटणी करतोय. शिवाय इतर सदस्यांना चुकीचं ठरवत सतत त्यांच्याशी वाद घालतोय. त्याच्या याच चुकीच्या वागण्यावर आता मराठी अभिनेत्री रुपाली भोसलेने टीका केलीये.
४ नोव्हेंबरच्या भागात विवियनने घरातील चहा पावडर जप्त केली कारण सारा अरफिन स्वतःसाठी चहा बनवून घेत होती. त्याच्या या अशा वागण्यावर रुपालीने टीका केलीये. रुपालीने इन्स्टाग्राम स्टोरीवर पोस्ट शेअर केली आहे. या पोस्टमध्ये तिने ‘बिग बॉस’च्या १३'व्या पर्वाचा विजेता दिवंगत सिद्धार्थ शुक्लाचा उल्लेख केलाय. तिने सिद्धार्थचं उदाहरण देत विवियनवर टीका केलीये. तिने लिहिलं, 'अरे देवा विवियन डिसेनासारखी ही अहंकारी वृत्ती का आहे? आणि इतका अहंकार का आहे? सिद्धार्थ शुक्ला हासुद्धा मोठा अभिनेता होता आणि आहे. त्याचा ‘बिग बॉस’चा ज्याप्रकारे प्रवास होता, तो खूप भारी होता. पण, विवियनचं काय?'
तिच्या या पोस्टवर नेटकऱ्यांनी देखील तिची बाजू घेतलीये. तर रुपालीबद्दल सांगायचं तर तिने नुकतीच नवी गाडी खरेदी केलीये. रूपालीला देखील 'बिग बॉस १८' ची ऑफर आली होती असं म्हटलं जात होतं. आता रुपालीची 'आई कुठे काय करते' ही मालिका लवकरच प्रेक्षकांचा निरोप घेणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.