तर वोटिंग का घेतली? पंढरीनाथच्या एव्हिक्शनवर नेटकरी संतापले; म्हणाले- त्या सदस्याला वाचवण्यासाठी...

'बिग बॉस मराठी ५' हा कार्यक्रम सध्या प्रचंड चर्चेत आहे. बिग बॉसच्या या सीझनने टीआरपीचे सगळे रेकॉर्ड तोडलेत. गेल्या सगळ्या सीझनपेक्षा प्रेक्षकांना हा सीझन सगळ्यात जास्त आवडला होता. मात्र हा सीझन सगळ्यात जास्त कॉन्ट्रोव्हर्शिअल देखील ठरला. यापूर्वीही या सीझनवर अनेकदा नाराजी व्यक्त केली गेली. मात्र आता या सीझनवर प्रेक्षक नाराज आहेत. त्याचं कारण ठरलंय पंढरीनाथ कांबळे याचं एव्हिक्शन. पॅडीच्या घराबाहेर होण्यावर प्रेक्षक नाराज आहेत. बिग बॉसमध्ये आधीच सगळं ठरलेलं आहे असं नेटकरी म्हणत आहेत. पॅडीच्या घराबाहेर होण्यावर अनेक तिखट प्रतिक्रिया उमटत आहेत.

बिग बॉसच्या शेवटच्या आठवड्यात पंढरीनाथ कांबळे घराबाहेर झाला. मर नेटकऱ्यांना हा निर्णय मुळीच पटलेला नाही. नेटकरी सोशल मीडियावर याबद्दल तीव्र नाराजी व्यक्त करत आहेत. त्यांच्यानेटकऱ्यांच्या मते या आठवड्यात वर्षा उसगावकर घराबाहेर जायला हव्या होत्या. मात्र वर्षा यांना बिग बॉसने वाचवलं आणि चांगलं खेळणाऱ्या पंढरीनाथ याला घराबाहेर केलं असा आरोप नेटकऱ्यांकडून केला जात आहे. अनेकांनी यावर आपल्या प्रतिक्रिया दिल्या आहे.

एका नेटकऱ्याने लिहिलं, 'हा खूप चुकीचा डिसिजन आहे. जर तुम्हाला तुमच्या मनाप्रमाणे हे सर्व करायचे आहे तर वोटिंग का घेता?' आणखी एकाने लिहिलं, 'यांनी सुरुवातीपासून निक्कीला वाचवलं. तिने प्रत्येकवेळी कुणाला ना कुणाला आपल्या सोबत उभं केलं. घरात एकटा खेळणारा सदस्य आज घराबाहेर झाला.' तर आणखी एका नेटकऱ्याने लिहिलं, 'आता हे स्पष्ट झालं की वर्षा ताईचा त्यांच्यासोबत कॉन्ट्रॅक्ट आहे. म्हणून त्या काहीही खेळत नसताना त्यांना घराबाहेर केलं गेलं नाही.' दुसऱ्या नेटकऱ्याने लिहिलं,'इथे अनेक लोक आहेत ज्यांना वाटतं वर्षा यांनी बाहेर जायला पाहिजे होतं. त्यांना वोटदेखील कमी पडले होते मग बिग बॉस काय आपला मनमानी कारभार करत आहेत का?' अशा अनेक प्रतिक्रिया देत नेटकऱ्यांनी आपला राग व्यक्त केलाय.