सध्या महाराष्ट्रात विधानसभा निवडणुकीची रणधुमाळी सूरु आहे. निवडणुकीसाठी अर्ज भरण्यापासून ते अर्ज मागे घेण्यापर्यंतच्या अनेक नाट्यमयी घडामोडी सध्या घडताना दिसतायत. या निवडणुकीसाठी प्रत्येक पक्ष जोर लावताना दिसतोय. निवडणुकीच्या या रणधुमाळीत नेते आणि मतदार यांना जोडणारा महत्वाचा दुवा ठरतो तो म्हणजे प्रचारक. लवकरच प्रत्येक पक्ष आपला प्रचार करायला सुरुवात करेल. ज्याचा प्रचारक जास्त लोकप्रिय त्याची जिंकण्याची चिन्ह तितकीच बळकट. त्यामुळे प्रचारक म्हणून सिनेकलाकारांना मोठी मागणी असते. आता 'चला हवा येऊ द्या' मधील एक कलाकार अजित पवार यांच्या राष्ट्रवादी काँग्रेसचा प्रचार करताना दिसणार आहे.
महिन्याभरापूर्वीच अभिनेते सयाजी शिंदे यांनी अजित पवार यांच्या राष्ट्रवादीत प्रवेश केला होता. आता राष्ट्रवादी काँग्रेसच्या प्रचार रॅलीत लोकप्रिय अभिनेता भाऊ कदम दिसणार असल्याची माहिती आहे. अजित पवारांची लाडकी बहीण योजना यासह विविध योजनांची माहिती भाऊ कदम प्रचार रॅलीत सहभागी होऊन सर्वसामान्य नागरिकांपर्यंत पोहचवणार आहे. राज्यभरात भाऊ कदम यांच्या प्रचार रॅलीच आयोजन करण्यात येणार आहे. त्यामुळे भाऊ आता अजित पवारांच्या राष्ट्रवादी काँग्रेसचा स्टार प्रचारक ठरणार आहे. भाऊची लोकप्रियता प्रचंड मोठी आहे. त्याचा वेगळा चाहतावर्ग आहे. भाऊ एक उत्तम अभिनेता तर आहेच सोबतच तो उत्कृष्ट माणूसही आहे.
आता भाऊ लवकरच अजित पवार यांच्या निवडणुकीच्या पक्ष प्रचाराच्या रॅलीत दिसणार आहे. या प्रचारासाठी कलाकारांना चांगलं मानधनही दिलं जातं. आता इतर पक्षांच्या रॅलीत कोणकोणते कलाकार दिसणार हे पाहणं औसुक्याचं ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
