छोट्या पडद्यावरील मालिका म्हणजे प्रेक्षकांचा जिव्हाळ्याचा विषय. गेल्या काही महिन्यात मराठी वाहिन्यांवर अनेक नवीन मालिका प्रेक्षकांच्या भेटीला येत आहेत. झी मराठी आणि स्टार प्रवाह पाठोपाठ कलर्स मराठीने देखील काही नव्या मालिकांची घोषणा केली होती. 'अशोक मा. मा.' आणि 'पिंगा गं पोरी' या नव्या मालिका प्रेक्षकांच्या भेटीला येणार आहेत. नुकताच कलर्स वाहिनीवर या मालिकांचे नवे प्रोमो प्रदर्शित करण्यात आले आहेत. यात या मालिकांच्या वेळाही दाखवण्यात आल्या आहेत. त्यामुळे प्रेक्षक या मालिकांसाठी प्रचंड उत्सुक आहेत. मात्र आता जुन्या मालिकांचं काय असा प्रश्नही प्रेक्षकांना पडलाय.
वाहिनीच्या इंस्टाग्राम पेजवर 'अशोक मा मा.' या मालिकेचा प्रोमो प्रदर्शित करण्यात आलाय. या मालिके अशोक सराफ, नेहा शितोळे यांच्यासोबत 'पिरतीचा वणवा उरी पेटला' मालिकेतील मुख्य अभिनेत्री रसिक वखारकर देखील दिसणार आहे. ही मालिका २५ नोव्हेंबर पासून प्रेक्षकांच्या भेटीला येणार आहे. रात्री ८. ३० वाजता ही मालिका प्रक्षेपित करण्यात येईल. सध्या या वेळेस कलर्स वाहिनीवर 'अबीर गुलाल' ही मालिका दाखवण्यात येते. ही मालिका सुरू होऊन फार काळ झालेला नाही. त्यामुळे 'अबीर गुलाल' मालिकेबद्दल निर्माते काय निर्णय घेणार याकडे प्रेक्षकांचं लक्ष आहे. तर यापूर्वी ही मालिका निरोप घेणार असल्याचं बोललं जात होतं. मात्र आता ट्रॅक चांगला असल्याने मालिकेची वेळ बदलण्याची शक्यता आहे.
तर दुसरी मालिका आहे 'पिंगा गं पोरी'. या मालिकेत पाच मुलींच्या मैत्रीची कथा दाखवण्यात येणार आहे. ही मालिका संध्याकाळी ७. ३० ला प्रक्षेपित होणार आहे. सध्या या वेळेस कलर्सवर 'दुर्गा' ही मालिका दाखवण्यात येतेय. दुर्गा' ही मालिका नुकतीच सुरू झाली आहे. त्यामुळे प्रेक्षक याबद्दल आश्चर्य व्यक्त करत आहेत. या मालिकेची देखील वेळ बदलण्यात येण्याची शक्यता आहे. मात्र या दोन्ही मालिकांच्या वेळा बदलल्यास कोणत्या मालिका निरोप घेणार हे पाहण्यासाठी प्रेक्षक उत्सुक आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.