![colors marathi serial off air](http://media.assettype.com/esakal%2F2024-07%2F230a57e4-b39f-4581-90fb-91610ba2f29e%2Fcolors%20serial%20end%20%20(1).jpg?w=480&auto=format%2Ccompress&fit=max)
छोट्या पडद्यावरील मालिका या प्रेक्षकांच्या जवळच्या ठरतात. या मालिकांमधून घराघरात पोहोचलेले कलाकार कायमच प्रेक्षकांच्या लक्षात राहतात. मात्र कथा संपली की या मालिकांना प्रेक्षकांचा निरोप घ्यावा लागतो. कधी कथानकामुळे तर कधी ढासळलेल्या टीआरपीमुळे या मालिका बंद करण्याचा निर्णय प्रोडक्शन हाउसकडून घेण्यात येतो. आता अशाच दोन लोकप्रिय मालिका प्रेक्षकांचा निरोप घेणार आहेत. कलर्स मराठीवरील दोन मालिका लवकरच प्रेक्षकांचा निरोप घेणार आहेत. कलर्सवर नव्याने सुरू होणाऱ्या 'बिग बॉस मराठी सीझन ५' मुळे या दोन मालिका बंद होणार आहेत.
येत्या २८ जुलै पासून कलर्स मराठीवर 'बिग बॉस मराठी ५' पाहायला मिळणार आहे. त्यामुळे या कार्यक्रमासाठी दोन मालिका बंद करण्यात येणार आहेत. त्यातील पहिली मालिका म्हणजे 'रमा राघव'. रमा आणि राघव ही प्रेक्षकांची आवडती जोडी आहे. पौरोहित्य करणारा राघव आणि त्याला साथ देणारी रमा प्रेक्षकांची आवडती आहे. मात्र आता ही मालिका निरोप घेणार आहे. मालिकेच्या शेवटी पूजा वाहिनीच्या मृत्यूचा छडा ते दोघे लावणार आहेत. ही मालिका रात्री ९. ३० वाजता प्रक्षेपित होत होती.
या यादीतील दुसरी मालिका आहे 'पिरतीचा वणवा उरी पेटला'. या मालिकेतील बिनधास्त सावी आणि दमदार अर्जुन ही जोडी प्रेक्षकांमध्ये विशेष गाजली. या मालिकेने कमी वेळात प्रेक्षकांच्या मनात स्थान निर्माण केलं. या मालिकेतील कलाकारांनी अभिनेते अशोक सराफ यांची भेट घेतली. मामांनीदेखील आपण ही मालिका दररोज पाहत असल्याचं सांगितलं होतं. आता ही मालिका प्रेक्षकांचा निरोप घेणार आहे. ही मालिका १० वाजता प्रक्षेपित होत होती. आता या दोन्ही मालिका निरोप घेणार आहेत. २७ जुलै रोजी या मालिकांचा शेवटचा प्रक्षेपित होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.