Dhamaveer 2 Release Date: लोकप्रिय शिवसेना नेते आनंद दिघे यांच्या आयुष्यावर आधारित 'धर्मवीर - २' हा चित्रपट येत्या ९ ऑगस्ट रोजी प्रदर्शित होणार होता. प्रेक्षक या चित्रोताची आतुरतेने वाट पाहत होते. प्रेक्षकांना पडलेल्या अनेक प्रश्नांची उत्तरं या चित्रपटातून मिळणार आहेत. मात्र महाराष्ट्रात उद्भवलेल्या पूरजन्य परिस्थितीमुळे निर्मात्यांनी हा चित्रपट ठरलेल्या दिवशी प्रदर्शित न करण्याचा निर्णय घेतला होता. त्यामुळे चित्रपटाच्या प्रदर्शनाची तारीख पुढे ढकलण्यात आली होती. आता या चित्रपटाची नवीन रिलीज डेट जाहीर करण्यात आली आहे.
काही दिवसांपूर्वी महाराष्ट्रात पूरजन्य परिस्थिती निर्माण झाली होती. काही गाव पाण्याखाली गेली तर काही गावांचा संपर्कही तुटला होता. राज्यात सुरु असलेली ही पूरपरिस्थिती पाहून 'धर्मवीर २' ची प्रदर्शनाची तारीख पुढे ढकलण्याचा निर्णय हा चित्रपटाचे निर्माते मंगेश देसाई आणि उमेश कुमार बन्सल ह्यांनी घेतला. ह्या अनोख्या निर्णयाचे सगळीकडे विशेष कौतुकहीं करण्यात आले होते. आता या चित्रपटाची नवीन तारीख समोर आली आहे. अजून दीड महिन्यानंतर २७ सप्टेंबरला 'धर्मवीर २' हा चित्रपट प्रदर्शित करण्याचा निर्णय आता निर्मात्यांनी घेतला आहे.
चित्रपटाच्या ट्रेलरने प्रेक्षकांची उत्सुकता कमालीची वाढली. प्रदर्शनाची तारीख पुढे गेल्यावर चित्रपटगृहांकडून विचारणा होत होती ,अनेक ग्रुप बुकिंगसाठी थांबलेले होते ,परदेशातून प्रदर्शनासाठी विचारणा होत होती, सोशल मीडियावरही चित्रपट कधी प्रदर्शित होणार, याची विचारणा अनेकजण करत होते. आता प्रेक्षकांना चित्रपटासाठी २७ सप्टेंबर पर्यंत अजून थोडी वाट पहावी लागणार आहे. 'धर्मवीर २' हा चित्रपट येत्या २७ सप्टेंबरला मराठी आणि हिंदी या दोन भाषांमध्ये जगभरात प्रदर्शित केला जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
