लोकप्रिय दाक्षिणात्य अभिनेत्री साई पल्लवी हिने आपल्या अभिनयाने प्रेक्षकांना भुरळ पाडली. दक्षिणेकडेच नाही तर बॉलिवूडमध्येही तिचे प्रचंड चाहते आहेत. 'फिदा' या चित्रपटाने तिला ओळख मिळवून दिली. ती लवकरच रणबीर कपूरसोबत 'रामायण' या चित्रपटात दिसणार आहे. मात्र त्यापूर्वी अभिनेत्रीबद्दल एक धक्कादायक माहिती समोर येते आहे. ज्यामुळे सगळ्यांनाच धक्का बसला आहे. दाक्षिणात्य अभिनेत्री साई पल्लवी एका विवाहित अभिनेत्याला डेट करत असल्याच्या चर्चा आहेत. या बातमीमुळे आता साई पल्लवीचे चाहते भलतेच चिंतेत पडले आहेत.
तामिळ वेबसाईट्सनी ही माहिती दिली आहे. रिपोर्टनुसार, साई पल्लवी एका विवाहित अभिनेत्यासोबत रिलेशनशिपमध्ये आहे. इतकंच नाही तर त्याला दोन मुलंही आहेत. ही बातमी किती खोटी किती खरी याबद्दल कोणतीही माहिती नाही मात्र यामुळे साईच्या चाहत्यांना मोठा धक्का बसला आहे. त्यांचा या गोष्टीवर मुळीच विश्वास बसत नाहीये. ही केवळ एक अफवा असल्याचं तिच्या फॅन क्लबचं म्हणणं आहे. मात्र असं असलं तरी साई पल्लवीच्या टीमकडून याबद्दल कोणतीही माहिती देण्यात आलेली नाही. या बातमीवर अभिनेत्रीकडून कोणतंही स्पष्टीकरण देण्यात आलेलं नाही.
इतकंच नाही तर तिच्या कुटुंबातील कुणीही याबद्दल भाष्य केलेलं नाही. चाहते आता अभिनेत्रीच्या उत्तराची वाट पाहत आहेत. हे सगळं खोटं आहे असं म्हणत चाहते स्वतःच्या मनाची समजूत घालताना दिसत आहेत. दुसरीकडे साईने तिच्या अभिनय कौश्यल्याने आणि नृत्याने चाहत्यांच्या मनावर राज्य केलं. तिने तेलगू, तमिळ आणि मल्याळम चित्रपटात काम केलं आहे. तिने सिनेसृष्टीत वेगळं स्थान निर्माण केलं आहे. मात्र आता या बातमीमुळे तिचे चाहते दुखावले गेले आहेत. ते साईच्या उत्तराची वाट पाहत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.