अमिताभ यांच्या भावाला पाहिलंय का? लाइमलाइटपासून दूर पण कोट्यवधींची मालमत्ता; या कारणामुळे आलेला भावंडांमध्ये दुरावा

बॉलीवूडमध्ये असे अनेक स्टार्स आहेत, ज्यांच्या भावंडांबद्दल फार कमी जणांना माहीत आहेत, पण त्यांनी आपल्या कलाकार भावंडांना मोठं करण्यात महत्त्वाची भूमिका बजावली आहे. अशा भावंडांच्या यादीत येतात अजिताभ बच्चन म्हणजेच अमिताभ बच्चन यांचे लहान भाऊ. अजिताभ हे अमिताभ यांच्यापेक्षा 5 वर्षांनी लहान आहेत, पण त्यांनी बिग बींना स्टार बनवण्यात महत्त्वाची भूमिका बजावली होती. अमिताभ यांनी अभिनेता होण्याचं स्वप्न पाहिलं असलं तरी ते अजिताभ यांनी पूर्ण केलं. वाचूया अमिताभ यांच्या लहान भावाबद्दल.

अजिताभ नेहमीच लाइमलाइटपासून दूर राहिले. अजिताभ बच्चन हे नातू अगस्त्य नंदा यांच्या 'द आर्चिज' या डेब्यू चित्रपटाच्या प्रीमियरमध्ये दिसले होते. तेव्हा त्यांना पाहून सगळेच आश्चर्यचकित झाले. ते अमिताभ यांचे फोटो निर्माते आणि दिग्दर्शकांना पाठवत. अमिताभ बच्चन यांनी चित्रपटांमध्ये आपली कारकीर्द घडवली, तर अजिताभ चित्रपट जगतापासून दूर राहिले. व्यवसायाच्या दुनियेत त्यांनी प्रवेश केला आणि खूप नाव कमावलं. अमिताभ आणि अजिताभ या दोघांनीही उत्तराखंडच्या शेरवुड कॉलेजमध्ये शिक्षण घेतलं परंतु त्यांनी वेगवेगळं करिअर निवडलं.

अजिताभ बच्चन सध्या लंडनमध्ये राहतात आणि तेथील सर्वात यशस्वी उद्योगपतींपैकी एक आहेत. तिथे जाण्यापूर्वी अजिताभ बच्चन यांनीही काही वर्षे भारतात वास्तव्य केलं होतं. सीएनबीसी, टीवी18 आणि डीएनए इंडिया च्या रिपोर्टनुसार, अजिताभ बच्चन क्यूए हाइड्रोकार्बन प्राइवेट लिमिटेड, एएसएन हाइड्रोकार्बन प्राइवेट लिमिटेड आणि एएसएन इनोवेटिव प्राइवेट लिमिटेड या तीन कंपन्यांचे डायरेक्टर आहेत.

अजिताभ बच्चन यांची एकूण संपत्ती 166.68 कोटी रुपये आहे. अजिताभ यांच्या वैयक्तिक आयुष्याविषयी बोलायचं तर त्यांनी रमोला बच्चनसोबत लग्न केलं आहे. अजिताभ यांनी रमोला बच्चनसोबत लाखोंची मालमत्ता खरेदी केली आणि त्यातून करोडो रुपये कमावले. पण त्यानंतर बोफोर्स घोटाळ्यात बिग बींचे नाव समोर आल्यावर अमिताभ आणि अजिताभ यांच्यात मतभेद सुरू झाले. अमिताभ यांच्या बोफोर्स घोटाळ्याप्रकरणी अजिताभ यांच्या कंपनीचीही चौकशी करण्यात आली होती.

खुद्द अजिताभ यांनी एका मुलाखतीत सांगितलं होतं की जेव्हा अमिताभ यांच्या आयुष्यात राजकारणाशी संबंधित मित्रांनी प्रवेश केला तेव्हा त्यांचं अमिताभ यांच्याशी त्यांचे अंतर वाढू लागलं. पुढे अमिताभ यांनी स्वतःची कंपनी उघडली तेव्हा त्यांनी अजिताभ यांनाही त्यात भागीदार बनवले. पण ही कंपनी बुडाली आणि अजिताभ आणि अमिताभ यांच्यातील दुरावा आणखी वाढला. पण कालांतराने सर्व काही ठीक झालं. अजिताभ आणि अमिताभ आता एकमेकांसोबत आहेत.