लोकप्रिय मराठी दिग्दर्शक, अभिनेता, निर्माता आणि लेखक असलेला हेमंत ढोमे याने आपल्या मेहनतीवर मराठी सिनेसृष्टीत स्वतःचं वेगळं स्थान निर्माण केलं. त्याने 'झिम्मा' मधून प्रेक्षकांच्या मनात जागा मिळवली. हेमंत वेगवेगळ्या मुद्द्यांवर नेहमीच आपली मतं मांडताना दिसतो. तर हेमंत आणि क्षिती यांची जोडीही प्रेक्षकांची आवडती आहे. अशातच आता या ढोमे पाटलांच्या घरात एका नव्या सदस्याचं आगमन झालंय. हा सदस्य अत्यंत खास आहे. जितका हा सदस्य खास आहे तितकंच याचं नावही खास आहे. हेमंतने त्या सदस्याचे फोटोही चाहत्यांसोबत शेअर केलेत.
हेमंत सोशल मीडियावर सक्रीय असतो. या माध्यमातून तो चाहत्यांसोबत जोडलेला असतो. आता त्याने त्यांच्या घरात आलेल्या नव्या सदस्याचा फोटो शेअर केलाय. ही सदस्य कार किंवा बाइक नाहीये. तर एक गाय आहे. या गायीचा फोटो शेअर करत हेमंत म्हणाला, 'आपल्या फॅमिलीची नवी मेंबर. लक्ष्मी ढोमे.' त्यानंतर हेमंतने गायीचा अजून एक फोटो शेअर केला आहे. ज्यामध्ये त्याने लिहिलं आहे, 'देखणी लक्ष्मी.' हेमंतने या गायीचं नाव लक्ष्मी ठेवलंय. हेमंतने शेअर केलेल्या या सुंदर गायीचे फोटो सध्या चांगलेच चर्चेत आले आहेत. चाहते त्यांच्यावर कौतुकाचा वर्षाव करतायत.
नवीन वर्षात हेमंत नवा चित्रपट घेऊन येत आहे. ‘फसक्लास दाभाडे’ असं चित्रपटाचं नाव आहे. तर यापूर्वी हेमंतने ' पोस्टर गर्ल’, ‘बघतोस काय मुजरा कर’, ‘झिम्मा’, ‘झिम्मा २’ यांसारखे दर्जेदार चित्रपटांचं दिग्दर्शन केलं आहे. तर हेमंत ढोमे लिखित आणि दिग्दर्शित ‘फसक्लास दाभाडे’ चित्रपटात अमेय वाघ, सिद्धार्थ चांदेकर, क्षिती जोग, निवेदिता सराफ, हरीश दुधाडे, राजसी भावे, राजन भिसे असे तगडे कलाकार मंडळी पाहायला मिळणार आहेत. ‘फसक्लास दाभाडे’ चित्रपट २४ जानेवर २०२५ला प्रदर्शित होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.