छोट्या पडद्यावरील मालिका म्हणजे प्रेक्षकांची अत्यंत आवडती गोष्ट. या मालिका आणि त्यातील पात्र ही आपल्याच आयुष्यातील एक असल्याचं त्यांना वाटतं. प्रेक्षक त्यांना आपल्या घरातील एक सदस्य मानतात. तर निर्मातेही या मालिका रंजक बनवण्यासाठी त्यात निरनिराळे ट्विस्ट आणण्यासाठी तत्पर असतात. टीआरपी वाढवण्यासाठी वाहिनी असे सगळे प्रयत्न करताना दिसते. आता कलर्स मराठीही टीआरपी लिस्टमध्ये वर येण्यासाठी प्रयत्नशील दिसतंय. आता कलर्स मराठीवरील लोकप्रिय मालिकेत अभिनेत्री मुक्ता बर्वे हिची एंट्री होणार आहे. ती एका हटके भूमिकेत दिसणार आहे.
मुक्ताने यापूर्वी छोटा पडदा गाजवलाय. ती झी मराठीवरील 'एका लग्नाची दुसरी गोष्ट' आणि 'अजूनही बरसात आहे' या मालिकांमध्ये दिसली. आता दोन वर्षांनी तिने छोट्या पडद्यावर पुन्हा एंट्री घेतली आहे. ती आता कलर्स वाहिनीवरील 'इंद्रायणी' या मालिकेमध्ये दिसणार आहे. कलर्स वाहिनीने हा प्रोमो शेअर केला आहे. आनंदीबाईंच्या वर्चस्वाला आव्हान द्यायला विठुच्या वाडीत आली एक नवी पाहुणी! असं याचं कॅप्शन देण्यात आलंय. प्रोमोमध्ये एका गाडीतून मुक्ता उतरते आणि थेट लहान मुलांसोबत गोट्या खेळायला सुरुवात करते. मुक्ता म्हणते, 'आता तुमची परीक्षा सुरू आनंदीबाई. माझ्या निशाण्यावर तुम्ही आहात आणि माझा निशाणा कधी चुकत नाही.'
१६ नोव्हेंबरपासुन मुक्ता या मालिकेत दिसणार आहे. आत तिची नेमकी भूमिका काय आहे हे गुलदस्त्यात असलं तरी तिच्या येण्याने मालिकेत नवीन ट्विस्ट पाहायला मिळणार आहे. त्यामुळे आता मालिकेत नेमकं काय घडणार हे पाहण्यासाठी प्रेक्षक उत्सुक आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
