अजूनही सगळीकडे दिवाळीची धूम आहे. दिवाळीचा उत्साह अजून ओसरला नाहीये. नुकतीच भाऊबीज पार पडलीये. घराघरात भाऊबीज आनंदात साजरी करण्यात आली. आता 'बिग बॉस मराठी ५' फेम इरिना रुदाकोवा हिने भाऊबीजेनिमित्त धनंजय पोवारसोबतच खास व्हिडिओ शेअर केलाय. यात धनंजय तिला खास मिसळ खाऊ घालताना दिसतोय. हा व्हिडिओ शेअर करत तिने डीपीदादाला भाऊबीजेच्या शुभेच्छा दिल्या आहेत. त्यांचा हा व्हिडिओ आता सोशल मीडियावर व्हायरल होतोय.
इरिना आणि डीपी दादा हे बिग बॉसच्या घरात भेटले. मात्र 'बिग बॉस मराठी ५' च्या घाट भेटलेली ही मंडळी एकमेकांची एकदम खास झाली. अंकिता, डिपी, सुरज, वैभव, पॅडी हे सगळेच एकमेकांचे जवळचे मित्र बनले. तर डिपी दादांनी इरिना आणि अंकिताला आपलल्या बहिणी मानलं. अंकिता यापूर्वी डिपीदादांना भेटून भाऊबीज करून गेली. मात्र इरिनाने आता त्यांच्या आधीच्या भेटीचा व्हिडिओ शेअर करत धनंजय यांना भाऊबीजेच्या शुभेच्छा दिल्या आहेत. डीपी या व्हिडीओमध्ये परदेसी गर्ल इरिनाला मिसळ थाळी खायला देत असल्याचं पाहायला मिळत आहे. धनंजय या व्हिडीओमध्ये म्हणतो, 'मी तुझ्यासाठी मिसळ आणलीये आणि तुझ्या एकटीसाठी आणलीये म्हणून वैभव जळतोय बघ… यावर इरिना म्हणते, बापरे…भावा तू माझ्यासाठी मिसळ आणलीस. किती प्रेम, नुसतं प्रेम, भरपूर प्रेम!'
त्यांचा हा व्हिडिओ पाहून नेटकरीही त्यांच कौतुक करत आहेत. एकाने तर कमेंट करत ही मिसळ कुठून आणली असा प्रश्न विचारला आहे. तर एकाने इरिनाला त्यांच्या गावी येण्याची विनंती केलीये. एकाने इरिनाच्या मराठी भाषेचं कौतुक केलंय. तर अनेकांनी डीपी दादांच्या पाहुणचाराचं कौतुक केलंय. हा व्हिडिओ सध्या सोशल मीडियावर व्हायरल होतोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
