बिग बॉस मराठीचं यंदाचं पाचवं पर्व चांगलच गाजलं. यंदाच्या पर्वातील स्पर्धक, नवा होस्ट रितेश देशमुख या सगळ्याच गोष्टी लक्षवेधी ठरल्या होत्या. बिग बॉस मराठीच्या यंदाच्या सिझनचा विजेता ठरला सूरज चव्हाण. सूरज चव्हाणने यंदाच्या बिग बॉस मराठीमधून प्रेक्षकांची मनं जिंकली आणि विजेतेपदाची ट्रॉफी देखील त्याच्या हाती आली. सूरजने बिग बॉसच्या घरातही इतर स्पर्धकांसोबत चांगलं नातं निर्माण केलं होतं. स्पर्धक जान्हवी किल्लेकरसोबतही सूरजने बहीण भावाचं गोड नातं बनवलं. बिग बॉस मराठीचं पर्व संपुष्टात आलं असलं तरी हे नातं मात्र कायम आहे.