मुलाखतकार - सिद्धी बामणे
गोवा येथे आंतरराष्ट्रीय चित्रपट महोत्सवाला आता सुरुवात होत आहे. या महोत्सवामध्ये यंदापासून पदार्पण करणाऱ्या दिग्दर्शकाचा सर्वोत्कृष्ट चित्रपट हा पुरस्कार देण्यात येणार आहे. त्यासाठी नामांकने जाहीर करण्यात आली आहेत. त्यात पाच आंतरराष्ट्रीय आणि दोन भारतीय दिग्दर्शकांच्या चित्रपटांचा समावेश आहे. विशेष म्हणजे या स्पर्धेसाठी नामांकन मिळालेला 'जिप्सी' हा एकमेव मराठी चित्रपट आहे.
'बोलपट निर्मिती' या निर्मिती संस्थेने या चित्रपटाची निर्मिती केली आहे. यापूर्वी राज्य शासनाने प्रतिष्ठेच्या कान महोत्सवात पाठवलेल्या तीन मराठी चित्रपटांमध्येही या चित्रपटाचा समावेश होता. आता कान महोत्सवापाठोपाठ इफ्फीसारख्या मोठ्या महोत्सवाचा मान 'जिप्सी' या चित्रपटाला मिळाला आहे. त्यानिमित्त या चित्रपटाचे दिग्दर्शक शशी खंदारे यांच्याशी साधलेला संवाद...