Kantara Sequel Release Date Announced: गेल्या काही वर्षात दाक्षिणात्य चित्रपटांनी बॉलिवूड प्रेक्षकांच्या मनावर राज्य केलंय. प्रेक्षक दाक्षिणात्य चित्रपटांची आतुरतेने वाट पाहत असतात. त्यातील एक गाजलेला चित्रपट म्हणजे रिषभ शेट्टी याचा कांतारा. हा चित्रपट एक वेगळाच अनुभव देणारा चित्रपट ठरला. एक वेगळी प्रथा आणि त्यामागची कथा या चित्रपटातून प्रेक्षकांच्या भेटीला आली. या चित्रपटाने प्रेक्षकांची मनं जिंकली. बॉक्स ऑफिसवर गाजलेल्या या चित्रपटाने प्रचंड कामे केली. २०२२ साली आलेल्या या चित्रपटाच्या सिक्वेलची घोषणा करण्यात आली होती. त्यानंतर चाहते याची आतुरतेने वाट पाहत होते. आता अखेर त्यांची प्रतीक्षा संपली आहे. 'कांतारा चॅप्टर १' ची रिलीज डेट आता जाहीर करण्यात आलीये.