Bhool Bhulaiyaa 3 Twitter Reaction: कुणी म्हणतंय जबरदस्त तर कुणी... कसा आहे 'भूल भुलैया ३'? वाचा ट्विटर रिव्ह्यू

बॉलिवूडचा लाडका अभिनेता कार्तिक आर्यन याचा 'भूल भुलैया ३' नुकताच प्रदर्शित झालाय. १ नोव्हेंबर रोजी प्रदर्शित झालेला हा चित्रपट थेट अजय देवगन याच्या 'सिंघम अगेन'शी भिडला आहे. एकीकडे 'सिंघम अगेन' ला प्रेक्षकांचा चांगला प्रतिसाद मिळताना दिसतोय. तर दुसरीकडे 'भूल भुलैया ३' ने देखील ऍडव्हान्स बुकिंगमध्ये चांगली कमाई केली होती. आता या चित्रपटाबद्दल ट्विटर रिव्ह्यू समोर येत आहेत. वाचा या चित्रपटाबद्दल प्रेक्षक काय म्हणालेत.

अनीस बज्मी यांच्या दिग्दर्शनाखाली तयार झालेला हा चित्रपट पुन्हा एकदा प्रेक्षकांच्या मनोरंजनासाठी सज्ज झाला आहे. या हॉरर कॉमेडी चित्रपटाला बंपर ओपनिंग मिळाली आहे. चित्रपटाची ओपनिंग 30-35 कोटींपर्यंत पोहोचू शकते असा अंदाज आहे. चित्रपटाच्या सुरुवातीच्या शोवर प्रेक्षक काय म्हणतायत पाहूया.

लोकांना हा चित्रपट कसा आवडला हे ट्विटरवर सांगितले आहे. मात्र, या चित्रपटाबद्दल ट्विटरवर संमिश्र प्रतिक्रिया येत आहेत. एका वापरकर्त्याने लिहिले - भूल भुलैया 3 हा एक रोमांचक अनुभव होता, मला विनोद आणि सस्पेन्स पाहून आनंद झाला, चित्रपट रात्रीच्या आऊटसाठी योग्य आहे. एकाने म्हटले आहे- 'भूल भुलैया 3' हा काय चित्रपट आहे, जरूर पहा. एकाने म्हटले आहे - हा चित्रपट रेकॉर्ड मोडेल, एक खरा ब्लॉकबस्टर ज्याची प्रेक्षक शोधत आहेत. एका चाहत्याने सांगितले- भूल भुलैया 3 ने खूप आश्चर्यचकित केले आहे. एक म्हणाला- जर तुम्ही हा चित्रपट पाहिला नसेल तर समजून घ्या की तुमचा एक चांगला चित्रपट चुकला आहे.

तर काहींना हा चित्रपट आवडला नाहीये. या चित्रपटात नवीन असं एका नेटकऱ्याने म्हटलंय. तर एकाने लिहिलं, बोरिंग मुव्ही आहे.' या चित्रपटाला मिक्स प्रतिक्रिया मिळाल्या आहेत.