अभिनेत्री कश्मिरा शाह हिचा लॉस एंजेलिस येथे मोठा अपघात झालाय. यात ती मरता मरता थोडक्यात बचावलीये. कश्मिरा ही गोविंदाचा भाचा आणि अभिनेता कृष्णा अभिषेक याची पत्नी आहे. कृष्णा काही दिवसांपूर्वीच आपल्या दोन्ही मुलांसोबत मुंबईत आला होता. तेव्हाच कश्मिराचा एल ए मध्ये मोठा अपघात झाला. तिने एक पोस्ट करत या बद्दल माहिती दिलीये. तर आपल्या अनुपस्थितीत पत्नीचा अपघात झाल्याने कृष्णाही काळजीत पडलाय. काश्मिरासोबत नेमकं काय घडलं याची माहिती मिळाली नसली तरी तिने पोस्टमध्ये तिचे रक्ताने माखलेले कपडे दाखवलेत. जे पाहून चाहत्यांच्या मनात धडकी भरलीये.