'शाका लाका बूम बूम' या कार्यक्रमाच्या अनेकांच्या स्वतःच्या आठवणी आहेत. या मालिकेतील संजू आणि त्याची जादूची पेन्सिल हे अनेकांच्या स्वप्नाचा भाग आहे. तेव्हा ती पेन्सिल खरीच आहे असं वाटायचं. ती मालिका संपली असली तिची जादू अजूनही प्रेक्षकांच्या मनावर कायम आहे. मात्र आता या मालिकेतील संजू खूप मोठा झालाय. लवकरच संजू लग्नाच्या बेडीत अडणार आहे. काही महिन्यांपूर्वी मालिकेतील संजू म्हणजेच अभिनेता किंशुक वैद्य याचा साखरपुडा पार पडला होता. आता किंशुकला हळद लागली आहे. त्याचे हळदीचे फोटो सोशल मीडियावर व्हायरल होतायत.