लोकप्रिय मराठी अभिनेत्री ऋतुजा बागवे हिने आपल्या अभिनयाने प्रेक्षकांना आपलंसं केलं. तिने स्वतःच्या मेहनतीवर मराठी सिनेसृष्टीत स्वतःचं स्थान निर्माण केलं. तिचं 'अनन्या' हे नाटक प्रचंड गाजलं. ती 'नांदा सौख्य भरे' या मालिकेतून घराघरात पोहोचली. 'चंद्र आहे साक्षीला' ही मालिकाही गाजली. त्यानंतर तिने चित्रपटांकडे आपला मोर्चा वळवला. अथक परिश्रमानंतर ऋतुजाने तिचं स्वतःचं घर घेतलं होतं. तिने वर्षभरापूर्वी आपल्या चाहत्यांना ही गुड न्यूज दिली होती. आता घराला वर्ष पूर्ण झाल्यानंतर तिने एक खास व्हिडिओ शेअर केला आहे ज्यात तिने तिच्या घराची सफर घडवली आहे.
ऋतुजाने तिच्या इंस्टाग्रामवर एक व्हिडिओ शेअर केला आहे. यात तिने आधीचं आणि नंतरचं असे फोटो शेअर केले आहेत. सुरुवातीला ऋतुजा तिच्या घराची चावी दाखवतेय. एंट्री करताच समोर खिडकीतून हिरवागार निसर्ग दिसत आहे. तिने घराला विंटेज स्टाइलने सजवलं आहे तर भिंतींसाठी अमेरिकन रंगांची निवड केलीय आहे. घराचं दरवाजाच हिरव्या रंगाचा आहे तर तोही अगदी अमेरिकन स्टाइल आहे. तिची नेमप्लेट विशेष लक्ष वेधून घेतेय. तिने हॉलमधील भिंतींना पांढरा रंग दिला आहे तर त्याचं रंगाचा सोफा निवडला आहे. ऑलिव्ह ग्रीन रंगाचे किचन कॅबिनेट आहे. जे अतिशय सुंदर दिसत आहे.
एका बेडरूमला आंबा कलर तर एका बेडरूमला गडद निळा रंग दिला आहे. तिचं घर अतिशय सुंदर दिसत आहे. मनाला मोहून टाकणारं हे घर आहे जे पाहून चाहते अतिशय खुश झाले आहेत. तिच्या घरासाठी चाहत्यांनी तिला पुन्हा एकदा शुभेच्छा दिल्या आहेत. ऋतुजा सध्या 'माटीसे बंधी डोर' या हिंदी मालिकेत मुख्य भूमिकेत दिसतेय. ती यापूर्वी 'लंडन मिसळ' या चित्रपटात दिसली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
