Malaika Arora Father Funeral: जन्मदात्याला निरोप देताना कोपऱ्यात उभ्या मलायकाला अश्रू अनावर; अंत्यदर्शनाला कलाकारांची गर्दी

अभिनेत्री मलायका अरोराच्या वडिलांनी बुधवारी ११ सप्टेंबर रोजी आत्महत्या केली. त्यांनी राहत्या घरातून म्हणजेच ७व्या माळ्यावरून उडी मारत स्वतःचं जीवन संपवलं. या बातमीने सगळ्यांनाच मोठा धक्का बसला. अनिल मेहता यांच्या पार्थिव शरीरावर आज गुरुवारी सांताक्रूझ हिंदू स्मशानभूमीत अंतिम संस्कार करण्यात आले. याप्रसंगी अभिनेत्रींसोबतच त्यांचे जवळचे आणि बॉलीवूडमधील नातेवाईक देखील उपस्थित होते.

अनिल मेहता यांच्या अंत्यसंस्कारासाठी निघताना घरातील सर्व सदस्यांचं अंतःकरण जड झालं होतं. सर्वांच्या नजरेपासून दूर राहून मलायका वडिलांना आठवून रडताना दिसली. यावेळी तिचा मुलगा अरहान तिला आधार देण्यासाठी तिच्यासोबत उभा होता. तो आईच्या खांद्यावर हात ठेवून तिला धीर देताना दिसला.

अनिल मेहता यांना निरोप देण्यासाठी कुटुंबीय निघाले होते तेव्हाचे काही व्हिडिओ सोशल मीडियावर व्हायरल होत आहेत. एकीकडे तिच्या अंत्यसंस्काराची तयारी सुरू होती, तर दुसरीकडे मलायकाची आई जॉयस पॉलीकार्पचे अश्रू थांबत नव्हते. अमृता अरोरा देखील आपल्या पती आणि मुलांसोबत वडिलांना शेवटचा निरोप द्यायला पोहोचली.

अनिल मेहता यांच्या आत्महत्येनंतर त्यांच्या घरी पोहोचणारा पहिला व्यक्ती अरबाज खान होता आणि आता तोही पत्नी शूरा खानसोबत त्यांना अंतिम निरोप देण्यासाठी पोहोचला. मलायकाच्या वडिलांच्या अंत्यसंस्काराला अर्जुन कपूरही पोहोचला होता. यावेळी तिची जवळची मैत्रीण करीना मलायकासाठी सर्वात मजबूत आधार बनून उभी राहिली. अनिल मेहता यांना श्रद्धांजली वाहण्यासाठी बेबो आली होती. करिश्मा कपूरसोबत सैफ अली खान सांताक्रूझ स्मशानभूमीत पोहोचला, जिथे अनिल मेहता यांना अखेरचा निरोप देण्यात आला.

यासोबतच अलीजेह अग्निहोत्री, आशीष चौधरी, गौहर खान, अदिति गोवित्रिकर, अलवीरा खान, फरहान अख्तर, रितेश सिद्धवानी, टेरेंस लुइस, ऑरी, अयान अग्निहोत्री , अतुल अग्निहोत्री, किम शर्मा, अरशद वारसी, सोफी चौधरी, गुरु रंधावा, साजिद खान आणि फराह खान यांसोबत आणखीही काही बॉलिवूड कलाकार त्यांच्या अंतिम दर्शनासाठी पोहोचले.