सबस्क्राईब करा
लोकप्रिय अभिनेत्री नेहा गद्रे हिने 'मन उधाण वाऱ्याचे' या मालिकेतून प्रेक्षकांना आपलंसं केलं. या मालिकेत ती मुख्य भूमिकेत दिसली होती. तिच्या अभिनयाला प्रेक्षकांची पसंती मिळाली. या मालिकेमुळे ती खऱ्या अर्थाने घराघरात पोहोचली. मात्र करिअरच्या शिखरावर असतानाच तिने लग्नगाठ बांधली आणि ती पतीसोबत ऑस्ट्रेलियामध्ये स्थायिक झाली. काही दिवसांपूर्वीच नेहाने आपण आई होणार असल्याची घोषणा केली होती. तिने एक पोस्ट करत आपल्या घरी एक चिमुकला पाहुणा येणार असल्याचं म्हटलं होतं. त्यानंतर आता तिने आपल्याला मुलगा होणार की मुलगी हे देखील उघड केलं आहे.
नेहाच्या ऑस्ट्रेलियातील घरी हा जेंडर रिव्हीलचा कार्यक्रम पार पडला. या कार्यक्रमादरम्यान तिच्या घरातील मंडळी आणि काही मित्रपरिवारही उपस्थित होता. आता नेहा लवकरच आपल्या बाळाचं स्वागत करणार आहे. त्यात तिने तिला मुलगा होणार की मुलगी हे सांगितलं आहे. नेहाने शेअर केलेल्या व्हिडिओमध्ये नेहा तिच्या पतीसोबत त्यांच्या बॅकयार्डमध्ये उभी आहे आणि त्यांच्यासमोर एक पाण्याचा बाउल ठेवला जातो. त्यातुन येणाऱ्या धुरावरून मुलगा की मुलगी हे स्पष्ट होतं. त्या भांड्यामधून निळ्या रंगाचा धूर निघतो याचा अर्थ नेहाला मुलगा होणार आहे. हे पाहून तिथे उपस्थित सगळेच आनंद व्यक्त करतात.
नेहा एका मुलीची आई आहे. लग्नानंतर नेहाने ऑस्ट्रेलियामध्ये जर्मन भाषेचं शिक्षण घेतलं. त्यात तिने पदवी घेतली आहे. तिने स्टार प्रवाह वाहिनीवरील मन उधाण वाऱ्याचे या मालिकेतून अभिनयक्षेत्रात पदार्पण केलं. त्यानंतर झी मराठी वाहिनीवरील अजूनही चांदरात आहे या मालिकेत नेहाने रेवा ही भूमिका साकारली होती. तिच्या या भूमिकेलाही प्रेक्षकांची बरीच पंसती मिळाली. तसेच नेहा मोकळा श्वास हा मराठी सिनेमातही झळकली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
