छोट्या पडद्यावर सध्या नवनवीन मालिका प्रेक्षकांच्या भेटीला येत आहेत. त्यात काही झी मराठीवर तर काही कलर्सवर सुरू होतायत. त्यातच टीआरपीच्या यादीत टिकून राहण्यासाठी स्टार प्रवाहने पुन्हा कंबर कसली आहे. स्टार प्रवाहवर देखील एक नवी मालिका सुरू होतेय. 'लग्नानंतर होईलच प्रेम' अशी ही मालिका आहे. काही दिवसांपूर्वीच या मालिकेची घोषणा झाली होती आणि आता या मालिकेचा प्रोमोही प्रदर्शित करण्यात आलाय. हा प्रोमो प्रेक्षकांच्या पसंतीस उतरला. मात्र ही मालिका स्टार प्रवाहची ओरिजिनल मालिका नाहीये. ही मालिका एका दुसऱ्याचं मालिकेचा रिमेक आहे.
स्टार प्रवाहची नवी मालिका 'लग्नानंतर होईलच प्रेम' मध्ये दोन जोड्या दाखवण्यात आल्या आहेत. यात मृणाल दुसानिस, ज्ञानदा रामतीर्थकर, विजय आंदळकर आणि विवेक सांगळे हे कलाकार आहेत. मृणाल आणि विजय यांचं लग्न ठरलं आहे तर ज्ञानदा आणि विवेक यांची एक जोडी दाखवण्यात आली आहे. मात्र त्यांच्या लग्नाचा योगचं नाहीये असं गुरुजी सांगतात. त्यानंतर एका घटनेने त्यांच्या जोड्या विरुद्ध बनणार असल्याचं स्पष्ट होतं. हा प्रोमो प्रेक्षकांच्या पसंतीस उतरला. मात्र ही मालिका स्टार प्रवाहची ओरिजिनल मालिका नाहीये. तर ही विजय टीव्ही या दाक्षिणात्य वाहिनीवरील 'ऐरामना रोजवे 2' या तमिळ मालिकेचा अधिकृत रिमेक आहे. या तामिळ मालिकेचा आता मराठी रिमेक होणार आहे.
ही मालिका १६ डिसेंबरपासून संध्याकाळी ७ वाजता प्रदर्शित होणार आहे. या मालिकेला प्राइम टाईम दिला गेलाय. त्यामुळे ही मालिका आता प्रेक्षकांच्या पसंतीस उतरणार का हे पाहणं औसुक्याचं ठरणार आहे. तर ७ वाजता प्रदर्शित होणारी मालिका 'साधी माणसं' निरोप घेणारा की मालिकेची वेळ बदलणार हेदेखील अजून स्पष्ट झालेलं नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
