लोकप्रिय बॉलिवूड अभिनेते मुकेश खन्ना यांना 'शक्तिमान' या मालिकेतून घराघरात ओळख मिळाली. त्यासोबतच ते 'भीष्म पितामह' म्हणूनही लोकप्रिय ठरले. 'महाभारत' या मालिकेत त्यांनी साकारलेली भूमिका ही अजरामर ठरली. लवकरच मुकेश खन्ना हे 'शक्तिमान २' मधून प्रेक्षकांच्या भेटीला येणार आहेत. मात्र त्यांचं वैयक्तिक मात्र फार चर्चेत नव्हतं. त्यांचं ना कुणाशी अफेअर होतं ना कुणासोबत त्यांचं नाव जोडलं गेलं. आता मुकेश खन्ना ६६ वर्षांचे आहेत मात्र अजूनही त्यांनी लग्न केलेलं नाही. ते आजही सिंगल आहेत. एका मुलाखतीत त्यांनी त्यांचं लग्न का झालं नाही याबद्दल सांगितलं आहे.
२३ जून १९५८ रोजी जन्मलेले मुकेश यांनी लग्नाबद्दल एका मुलाखतीत भाष्य केलेलं. ते म्हणालेले, 'मी भीष्माची भूमिका केली तेव्हा सगळ्यांनी म्हटलं की मी भीष्म प्रतिज्ञा वगरे घेतली. पण तसं नाहीये. मी लग्न करण्याच्या विरोधात नाहीये. मी इतका महान नाहीये आणि मी कधीही भीष्म पितामह बनू शकत नाही. मी माझ्या आयुष्यात सगल्यात जास्त लग्न या परंपरेला मानतो. मला लग्न करायचं असेल तर ते होईल पण आता माझ्यासाठी कोणतीही मुलगी येणार नाहीये. लग्न हा माझा वैयक्तिक निर्णय आहे. माझी पत्नी नाहीये. पण मी लग्नाच्या विरुद्ध नाहीये. लग्न नशिबात लिहिलेलं असतं. अफेअर नाही. लग्न त्यांचंच होतं ज्यांच्या नशिबात लिहिलेलं असतं. तसं तर माझ्या बोलण्यामुळे आधीच मी अनेकांच्या नजरेत वाईट झालोय.'
या मुलाखतीत मुकेश यांनी त्यांना मुलगीच मिळाली नसल्याचं सांगितलं होतं.म्हणून प्रेक्षकांचा आवडता शक्तिमान अजूनही अविवाहित आहे. तर मुकेश पुन्हा एकदा 'शक्तिमान २' मधून प्रेक्षकांच्या भेटीला येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
