घराबाहेर येताच डिनर डेटला पोहोचले निक्की अरबाज; पण नेटकरी करतायत तिच्याबद्दल विचारणा, म्हणतात- ती कुठेय?

Latest Intertainment News in Marathi: लोकप्रिय मराठी कार्यक्रम 'बिग बॉस मराठी ५' ने गेले दोन महिने प्रेक्षकांच्या मनावर अधिराज्य गाजवलं. या कार्यक्रमाची सोशल मीडियावर जोरदार चर्चा झाली. हा सीझन गाजला त्यात निक्की तांबोळी हीचा मोठा वाटा होता असं म्हणायला हरकत नाही. घरातली निक्की आणि अरबाज यांची मैत्री चांगलीच गाजली. जेव्हा अरबाज घराबाहेर झाला तेव्हा निक्कीला खूप वाईट वाटलं होतं. ती घरात रडत होती. त्यांची वाढलेली जवळीक ही सगळ्यांनाच दिसत होती. मात्र निक्की तिसऱ्या क्रमांकावर घराबाहेर झाली. त्यानंतर आता निक्की आणि अरबाज हे एकत्र दिसले आहेत.ते दोघेही डिनर डेटसाठी गेले होते आणि तिथला एक व्हिडिओ सध्या सोशल मीडियावर व्हायरल होतोय. मात्र या व्हिडिओवर अरबाजचे चाहते निरनिराळ्या कमेंट करत आहेत.

घरात आलेल्या निक्कीच्या आईने अरबाजचा साखरपुडा झाला असल्याचं सांगितलं होतं. मात्र अरबाजने घरात येताच हे खोटं असल्याचं सांगितलं. त्याने निक्कीला मिठी मारत सगळे गैरसमज दूर केले. आता 'बिग बॉस मराठी ५' मधून बाहेर पडल्यावर निक्की आणि अरबाज पुन्हा एकत्र आले आहेत. निक्की आणि अरबाज यांचा एक व्हिडिओ सोशल मीडियावर शेअर करण्यात आला आहे. ज्यात ते एका रेस्ट्रॉरंट मधून बाहेर निघताना दिसत आहेत. ते पापाराझींना पोज देऊन नंतर गाडीत जाऊन बसतात. आता हा व्हिडीओ पाहून नेटकरी अनेक प्रतिक्रिया देत आहेत. तर अनेक नेटकरी अरबाजच्या आधीच्या गर्लफ्रेंडबद्दल विचारणा करत आहेत.

एका नेटकऱ्याने लिहिलं, 'याची आधीची गर्लफ्रेंड लिझा होती ना? ती कुठे गेली आता. हिच्यासोबत तो अजिबात चांगला दिसत नाहीये.' आणखी एकाने लिहिलं, 'आधी अरबाज वाघ होता आता निक्कीच्या मागे लागून अगदी मांजर झालाय.' आणखी एकाने लिहिलं , 'काही दिवसांनी अरबाज निक्कीलादेखील सोडून जाईल.' अशा अनेक कमेंट नेटकरी करत आहेत. तर 'बिग बॉसच्या घरातील प्रेम फार काळ टिकत नाही असं म्हटलं जातं. आता निक्की आणि अरबाज यांचं नातं किती दिवस टिकतं याकडे नेटकऱ्यांचं लक्ष आहे.