यंदाचं बिग बॉस मराठीचं सिझन नुकतच संपुष्टात आलय. हा कार्यक्रम संपल्यानंतरही विविध कारणांसाठी चर्चेत आहे. यंदाच्या सिझनमध्ये निक्की तांबोळी आणि अरबाज पटेल ही जोडी चर्चेत राहिली. सुरुवातीला दोघांची मैत्री आणि नंतर मैत्रीपलीकडचं नातंही पाहायला मिळालं. बिग बॉस मराठीच्या घराबाहेर आल्यानंतरही दोघं अनेक ठिकाणी एकत्र दिसत आहेत. शिवाय दोघं नुकतच डिनर डेटसाठीही एकत्र भेटल्याचं पाहायला मिळालं होतं. सोशल मिडीयावरही दोघं एकत्र फोटो पोस्ट करताना दिसत आहेत.