आता कल्ला होणार! प्रार्थना बेहेरेच्या अलिबागच्या घरी पोहोचले खास पाहुणे; म्हणतात आता दिवाळी इथेच...

Prarthana Behere: सध्या देशभरात दिवाळीचं वातावरण आहे. सगळीकडे आनंदीआनंद आहे. दिवाळी सणाचा उत्साह आहे. सणानिमित्त आपण नातेवाईकांकडे, जवळच्या मित्रमंडळींकडे जात असतो. सणानिमित्त एकमेकांना भेटण्याची संधी मिळते. मित्रमंडळींचं रियूनियन होतं. असंच एक रियूनियन प्रार्थना बेहेरेच्या घरी झालं आहे. या दिवाळीत तिच्या घरी काही खास पाहुणे आले आहेत. ज्यांना पाहून प्रार्थना तर आनंदी आहेच सोबतच तिचे पाळीव श्वानदेखील खुश आहेत. कोण आहेत हे खास पाहुणे?

प्रार्थनाने गेल्या वर्षी आपण कायमचं अलिबागला स्थायिक होणार असल्याचं सांगितलं होतं. ती कामासाठी अलिबागहून ये जा करते. मात्र या दिवाळीत तिच्या घरी काही खास पाहुण्यांचं आगमन झालं आहे. दिवाळीच्या निमित्ताने तिच्या घरी तिचे सिनेसृष्टीतील मित्र- मैत्रिणी आले आहेत. यात अभिनेत्री पूजा सावंत, अनुषा दांडेकर, पूजाची बहीण रुचिरा सावंत, तिचा भाऊ, अभिनेता भूषण प्रधान आणि वैभव तत्ववादी हे कलाकार आहेत. रुचिराने तिच्या इंस्टाग्राम अकाउंटवर स्टोरी म्हणून काही व्हिडिओ शेअर केले आहेत. यात ते गेटवे ऑफ इंडियावरून बोटीने प्रवास करताना दिसतायत. तर तिच्या घरी पोहोचल्यावर पूजा प्रार्थना बेहेरे इथेच राहतात का असं विचारताना दिसतेय. त्यानंतर प्रार्थना घराचा दरवाजा उघडते आणि सगळ्यांना पाहून प्रचंड खुश होते.

इतर सर्वही त्यांच्या पाठोपाठ घरात प्रवेश करतात. प्रार्थना वैभवला मिठी मारते. सगळ्यांचं प्रेमाने स्वागत करते. यंदाची दिवाळी हे सगळे प्रार्थनाच्या घरी साजरी करणार असल्याचं दिसतंय. तर पूजेची ही लग्नानंतरची पहिली दिवाळी आहे. आता या सगळ्या मित्रमंडळींचे फोटो पाहण्यासाठी चाहते उत्सुक आहेत.