सबस्क्राईब करा
हे सुख स्वर्गातही नाही असं ज्याचं वर्णन केलं जातं ती म्हणजे पंढरीची वारी. संपूर्ण महाराष्ट्रातून वारकरी आपल्या लाडक्या पांडुरंगाला भेटण्यासाठी पंढरपूरला जायला निघतात. आपल्या घरादाराची चिंता त्या जगाच्या पाठीराख्याच्या खांद्यावर टाकून हे वारकरी कित्येक किलोमीटर पायी चालत निघतात. वारीतलं भारावून टाकणारं वातावरण, टाळ मृदूंगाच्या तालावर रंगून जाणारे वारकरी एकमेकांना सांभाळत आपली वारी पूर्ण करतात. दरवर्षी वारीत अनेक मराठी कलाकारांचा समावेशही असतो. अशीच एक मराठमोळी अभिनेत्री आता वारीच्या रंगात रंगली आहे.
'स्वराज्यरक्षक संभाजी' या मालिकेतून घराघरात पोहोचलेली लोकप्रिय अभिनेत्री प्राजक्ता गायकवाड वारीच्या रंगात रंगली आहे. प्राजक्ताने येसूबाई बनून चाहत्यांच्या मनात स्थान निर्माण केलं. आता तिने तिचे काही व्हिडिओ शेअर केले आहेत ज्यात ती वारीचा आनंद घेताना दिसतेय. व्हिडिओमध्ये प्राजक्ताने हिरव्या रंगाची नथीची सुंदर साडी नेसली आहे. एका व्हिडिओमध्ये ती कपाळावर अबीर गुलालाचा टिळा लावताना दिसत आहे. तर दुसऱ्या व्हिडिओत ती घोड्याच्या सोबत दिसत आहे. तिसऱ्या व्हिडिओमध्ये ती टाळ आणि मृदूंगाच्या तालावर ठेका धरताना दिसतेय.
ती इतर वारकऱ्यांसोबत नाचताना दिसतेय तर चिमुकल्याचा हात पकडून फुगडी घालताना दिसतेय. फुगडी झाल्यावर ती चिमुकल्याच्या पाया पडतेय. तिच्या मैत्रिणीसोबतही ती फुगडी घालताना दिसतेय. तिच्या या व्हिडिओवर चाहतेही कौतुकाचा वर्षाव करत आहेत. तू खऱ्या अर्थाने आपली संस्कृती जपतेयस असं म्हणत अनेकांनी तिचं कौतुक केलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
