प्रेक्षकांची लाडकी प्राजक्ता माळी हिने आपल्या अभिनयाने सगळ्यांच्या मनावर गारुड घातलं. तिच्या सौंदर्याचे लाखो दिवाने आहेत. प्रेक्षकांच्या लाडक्या प्राजूने मालिकांमधून प्रेक्षकांना आपलंसं केलं. त्यानंतर तिने आपला मोर्चा चित्रपटांकडे वळवला. नुकताच तिचा 'फुलवंती' हा चित्रपट प्रदर्शित झाला. प्राजक्ताच्या 'फुलवंती'ला प्रेक्षकांच्याही भरभरून प्रतिसाद मिळाला. अजूनही चित्रपट थिएटरमध्ये सुरू आहे. मात्र इतक्या महिन्यांचा क्षीण घालवण्यासाठी प्राजु एका खास ठिकाणी पोहोचलीये. प्राजक्ता तिच्या लाडक्या दुसऱ्या घरी पोहोचलीये. म्हणजेच ती कर्जतला तिच्या फार्महाउसवर गेलीये. तिने तिथले काही फोटोही शेअर केले आहेत.
'फुलवंती' या चित्रपटाची प्राजक्ता निर्माती आहे सोबतच ती या चित्रपटाची मुख्य अभिनेत्री आहे. आता चित्रपटाची दगदग संपल्यावर ती निवांत वेळ घालवण्यासाठी कुटुंबासोबत थेट तिच्या दुसऱ्या लाडक्या घरी पोहोचलीये. वर्षभरापूर्वीच प्राजक्ताने कर्जतला एक फार्महाउस बांधलं होतं. प्रचंड कर्ज काढून तिने हे फार्महाऊस बांधलं. आता ती आराम करायला तिथे पोहोचलीये. आपल्या कुटुंबियांसोबत ती तिथे पोहोचलीये. तिथले काही फोटो तिने शेअर केलेत. यात ती आराम खुर्चीत बसली आहे. तर तिच्या मांडीवर तिची भाची आहे. तर तिने तिथल्या झाडांसोबतचा फोटो शेअर केलाय. तिथल्या निसर्गाचाही फोटो तिने शेअर केलाय.
एका फोटोत तिची भाची धावताना दिसतेय. एका फोटोत ती आरामात चहा पिताना दिसतेय. आजूबाजूचा नजाराही पाहण्यासारखा आहे. प्राजक्ताला इथे पाहून अनेक नेटकरी या लोकेशनची विचारणा करतायत. तर मराठी कलाकार आम्ही कधी यायचं राहायला विचारताना दिसतायत. प्राजक्ताचं लाडकं घर कर्जतमध्ये आहे. आता काही दिवस प्राजक्ता तिथे आराम करून तिच्या पुढच्या प्रोजेक्टसाठी सज्ज होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
