नाटक, मालिका, चित्रपट, ओटीटी, जाहिरात या मनोरंजन विश्वातली सगळ्याच माध्यमातून अभिनेत्री प्रिया बापटने प्रेक्षकांची मनं जिंकली आहेत. गेल्या काही वर्षात प्रिया बापट ही अनेक हिंदी वेब सिरीजमधून नावलौकिक करताना दिसतेय. सिटी ऑफ ड्रीम्स या वेबसिरीजमधील प्रियाच्या कामाची भरपुर प्रशंसा झाली होती. तर आणि काय हवं या सिरीजमधून प्रिया आणि उमेश कामत या खऱ्या आयुष्यातील जोडप्यानी रिल लाईफ जोडप्यांची गोड गोष्ट सादर केली होती. शिवाय जर तरची गोष्ट या नाटकातूनही प्रिया आणि उमेश हे रियल लाईफ कपल प्रेक्षकांचं मनोरंजन करतय. यातच सोनी लिव्ह या ओटीटी प्लॅटफॉर्मवर प्रियाची नवी वेब सिरीज प्रदर्शित होतेय. रात जवाँ है असं या सिरीजचं नाव असून प्रिया या सिरीजमध्ये हटके भूमिका साकारतेय. या वेब सिरीजच्या निमित्ताने सकाळ समुहाला दिलेल्या एक्सक्लुझिव्ह मुलाखतीत प्रियाने एका महत्त्वाच्या गोष्टीचा खुलासा केलाय.