सबस्क्राईब करा
बॉलिवूड आणि हॉलिवूडमध्ये आपल्या अभिनयाचा ठसा उमटवणारी लोकप्रिय बॉलिवूड अभिनेत्री प्रियांका चोप्रा ही तिच्या चित्रपटांसोबतच तिच्या वैयक्तिक आयुष्यामुळेही चाहत्यांमध्ये चर्चेत असते. प्रियांकाने परदेशी गायक निक जोनास याच्याशी लग्नगाठ बांधली. त्यानंतर तिने सरोगसीद्वारे एका गोंडस मुलीला जन्म दिला. चाहते नेमीचं तिच्या मुलीला पाहण्यासाठी चाहते कायम उत्सुक असता. अभिनेत्रीही आपल्या मुलीसोबत वेळ घालवताना दिसते. आताही तिने स्वतःचे आणि मुलीचे काही फोटो आणि व्हिडिओ चाहत्यांसोबत शेअर केले आहेत. यात तिची चिमुकली लेक चक्क चपाती बनवताना दिसतेय.
प्रियांका सध्या तिच्या 'द ब्लफ' या चित्रपटाच्या शूटिंगमध्ये व्यग्र आहे. मात्र सध्या तिची आई मधू चोप्रा तिच्या घरी गेली आहे. त्यामुळे तिला माहेरी असल्यासारखं वाटतंय. त्यात आई तिला घरातलं जेवण बनवून खाऊ घालतेय त्यामुळे ती खूप आनंदी आहे. अशात तिने तिचे आणि कुटुंबियांचे काही फोटो आणि व्हिडिओ शेअर केले आहेत. यात सुरुवातीला स्टंट्स करण्यापूर्वी ती पॅडिंग कशी घालते हे दाखवताना तिने एक सेल्फी शेअर केला आहे. आणि दुसराच फोटो तिच्या लेकीचा आहे जी किचनच्या खुर्चीवर बसून टेबलवर चपाती लाटताना दिसतेय. तिच्या हातात लाटणंदेखील आहे. त्यानंतर आई तिला कोणती भाजी खायला घालतेय हेदेखील सांगितलं आहे,.
त्यानंतर प्रियांका मालतीसोबत 'मोआना' या लहान मुलांच्या चित्रपटातील गाणं गाताना दिसतेय. तिच्या कुशीत मालती देखील आहे. त्या दोघींच्याही हातात माइक आहेत. तिने तिच्या परदेशातील घरातील किचनचा फोटोही दाखवला आहे. जिथे मालतीची काही खेळणीदेखील दिसत आहेत. त्यानंतर ती ऑलिम्पिक पाहत असल्याचं दिसतंय. ती टीम इंडियाचं कौतुक करताना दिसतेय. तिचे हे फोटो पाहून चाहते तिचं कौतुक करत आहेत. तिचे फोटो सोशल मीडियावर व्हायरल झाले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
