छोटा पडदा ते मोठा पडदा हा प्रवास खूप अवघड असतो. मोठ्या पडद्यावर झळकण्याचं अनेक कलाकारांचं स्वप्न असतं. अशाच एका मराठी अभिनेत्रीचं मोठ्या पडद्यावर दिसण्याचं स्वप्न आत पूर्ण झालंय. सध्या अजय देवगनच्या 'सिंघम अगेन'ची सोशल मीडियावर जोरदार चर्चा आहे. या चित्रपटाने बॉक्स ऑफिसवर धुमाकूळ घातला आहे. चित्रपटाला प्रेक्षकांचा जोरदार प्रतिसाद लाभतोय. अशात आता 'रात्रीस खेळ चाले' या मालिकेतील गाजलेली अभिनेत्री 'सिंघम अगेन' दिसतेय. तिने एक खास पोस्ट करत चाहत्यांना याबद्दल माहिती दिलीये. तिने अभिनेत्री दीपिका पादुकोण हिच्यासोबत स्क्रिन शेअर केलीये. तिने दीपिकासोबतचे काही फोटोही शेअर केलेत. ही अभिनेत्री आहे भाग्या नायर.
'रात्रीस खेळ चाले या मालिकेतील प्रत्येक पात्र सोशल मीडियावर प्रचंड लोकप्रिय ठरलं. या मालिकेने प्रेक्षकांच्या मनात घर केलेलं. आता या मालिकेतील भाग्या नायर म्हणजेच कावेरी नव्या भूमिकेत दिसत आहे. तिने मालिकेत तिने अण्णा नाईकांच्या सगळ्यात लहान मुलाच्या म्हणजेच अभिरामच्या पत्नीची भूमिका केली होती. तिची दाक्षिणात्य भाषेचा लहेजा असलेली मराठी तेव्हा प्रेक्षकांच्या मनात घर करून गेली. आता भाग्या 'सिंघम अगेन' मध्ये झळकतेय. तिने तिचे सेटवरचे आणि चित्रपटातले काही फोटो शेअर केलेत. पहिला फोटो तिने तिच्या व्हॅनिटी व्हॅनचा शेअर केलाय. तर दुसरा फोटो चित्रपटाच्या पोस्टरचा आहे.
तिने मेकअप रूममधलेही काही फोटो शेअर केलेत. हे फोटो शेअर करत तिने लिहिलं, 'या दिवाळीत मी माझा बॉलिवूड डेब्यू केलाय. अशा सणात माझा हा प्रवास सुरू करताना मला खूप आनंद होतोय. ही एक नवी सुरुवात आहे. स्वप्न सत्यात उतरतंय. या संधीसाठी खूप धन्यवाद. दीपिका पादुकोणसारख्या अभिनेत्रीसोबत स्क्रिन शेअर करून खूप छान वाटलं.' तिच्या या पोस्टवर चाहत्यांनी शुभेच्छांचा वर्षाव केलाय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
