छोट्या पडद्यावरील काही मालिका आता प्रेक्षकांचा निरोप घेतायत. त्यात स्टार प्रवाहवरील लोकप्रिय मालिका 'आई कुठे काय करते' देखील आहे. ही मालिका प्रेक्षकांची प्रचंड आवडती होती. आता २३ नोव्हेंबर रोजी ही मालिका प्रेक्षकांचा निरोप घेणार आहे. मालिकेचं शूटिंग आता संपलंय. त्यामुळे समृद्धी बंगल्यातील सामान हलवण्याची सुरुवात झालीये. आता तो बंगला पुन्हा एकदा रिकामा होणार आहे. अभिनेत्री रुपाली भोसले म्हणजेच संजना हिने समृद्धी बंगल्यात नेमकं काय सुरू आहे याची एक झलक दाखवली आहे. तिने सोशल मीडियावर एक व्हिडिओ शेअर केलाय.