मराठमोळी अभिनेत्री सई ताम्हणकर हिने आपल्या अभिनयाने प्रेक्षकांची मनं जिंकली. तिने अनेक उत्कृष्ट चित्रपटात काम केलं आहे. मराठीसोबतच हिंदीमध्येही आपल्या अभिनयाचा ठसा उमटवणारी सई प्रेक्षकांची लाडकी आहे. त्यामुळेच तिच्या आयुष्यात घडणाऱ्या प्रत्येक गोष्टीवर चाहत्यांचं लक्ष असतं. सई तिच्या चित्रपटांसोबतच तिच्या वैयक्तिक आयुष्यामुळेही सोशल मीडियावर चर्चेत राहिली. गेले वर्षभर सईच्या ब्रेकअपच्या चर्चा रंगल्या होत्या. मात्र सई त्यावर काहीही प्रतिक्रिया देत नव्हती. परंतु, आता तिने तिच्या आणि तिच्या दौलतरावसोबतच्या नात्यावर मौन सोडलं आहे. आपला ब्रेकअप झाला असल्याचं तिने स्पष्ट केलंय.
सई गेली काही वर्ष निर्माता अनिश जोग याला डेट करत होती. तिने त्याच्यासोबतचे अनेक फोटोही चाहत्यांसोबत शेअर केले होते. ती त्याचा उल्लेख अनेकदा दौलतराव म्हणूनही करायची. मात्र आता त्याचं नातं संपलं असल्याचं तिने सांगितलंय. 'मानवत मर्डर्स' या वेब सिरीजनिमित्त सईने हिंदुस्थान टाइम्सला मुलाखत दिली होती. या मुलाखतीत बोलताना सईने तिच्या ब्रेकअपला दुजोरा दिला आहे. याबद्दल बोलताना साई म्हणाली, ' हा निर्णय परस्पर संमतीने घेण्यात आला मात्र हा एक कठीण काळ होता. माझ्या मनात त्याच्याबद्दल कायम आदर राहील. तो माझ्या आयुष्यातली एक महत्वाची व्यक्ती राहील. या ब्रेकअपबद्दल आमच्या दोघांच्याही भावना सारख्याच आहेत. त्याच्या पुढील आयुष्यासाठी त्याला शुभेच्छा.'
यापूर्वी सईने इंस्टाग्रामवर एक स्टोरी पोस्ट करत आपण आता सिंगल असल्याचं सांगितलं होतं. 'मी पुन्हा सिंगल आहे. पण ही माझी स्वतःची पसंती नाही. पण अखेर ही एक निवड आहे' असं तिने लिहिलं होतं. अनिश जोगला डेट करण्यापूर्वी सईने व्हिज्युअल इफेक्ट आर्टिस्ट अमेय गोसावीशी लग्न केलं होतं. २०१३ मध्ये त्यांचं लग्न झालं, मात्र २०१५ मध्ये त्यांचा घटस्फोट झाला होता. सईच्या कामाबद्दल सांगायचं तर ती यापूर्वी 'भक्षक' आणि 'श्रीदेवी प्रसन्न' या चित्रपटात दिसली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
