'बिग बॉस १८' च्या विकेंडच्या वारमध्ये सलमान खान दिसणार की नाही? त्या कारणामुळे चर्चेला उधाण

बॉलिवूडचा सुपरस्टार सलमान खान गेली कित्येक वर्ष 'बिग बॉस हिंदी' चं सूत्रसंचालन करताना दिसतो. सलमान आणि 'बिग बॉस' हे एक समीकरण झालं आहे. नुकतच 'बिग बॉस १८' सुरू झाला. या कार्यक्रमाचं सूत्रसंचालन देखील सलमानच करत आहे. सुरुवातीला मोठया जोशात सुरू झालेला हा सीझन आता आता थंड पडला आहे. मात्र या सीझनबद्दल आणि सलमान बद्दल आता एक मोठी अपडेट समोर येतेय. या आठवड्यात 'बिग बॉस १८' च्या वीकेंडच्या वारला सलमान अनुपस्थित राहणार आहे अशी माहिती आहे. हा विकेंडचा वर सलमान करणार नाहीये. मात्र काही वेबसाइट्सनुसार सलमान शूटिंग पूर्ण करणार आहे त्यामुळे नेटकरीही आता संभ्रमात आहेत.

काय आहे कारण?

टाइम्स ऑफ इंडियाने दिलेल्या माहितीनुसार, सलमानच्या सुरक्षेसाठी हा निर्णय घेतला गेल्याचं सांगण्यात येतंय. बाबा सिद्दीकी आणि सलमान हे दोघे खूप चांगले मित्र होते. मात्र त्यांच्या दुःखद निधनानंतर सलमान खूप हादरला आहे. आपल्या मित्राला अशा पद्धतीने गमावल्यानंतर सलमान दुःखात आहे. त्यासोबतच त्याला स्वतःला लॉरेंस बिष्णोईकडून जीवे मारण्याची धमकी मिळाली आहे. त्यामुळे त्याच्या सुरक्षेतही वाढ करण्यात आली आहे. गँगस्टर लॉरेन्स बिष्णोईच्या वाढत्या धोक्यांमुळे परिस्थितीच्या गंभीरतेकडे लक्ष देत , त्याची सुरक्षा पातळी Z वरून Y वर बदलली आहे. त्याच्या वांद्रे येथील गॅलेक्सी अपार्टमेंट निवासस्थानाभोवती सुरक्षा वाढवण्यात आली आहे. त्यामुळेच पोलिसांनी त्याला निर्देश दिले आहेत की सलमानने कोणत्याही महत्वाच्या कारणाशिवाय घराबाहेर पडू नये. अनावश्यक प्रवास करू नये. त्यामुळे तो शूटिंग करणार नसल्याचं सांगण्यात आलं होतं.

होणार 'बिग बॉस १८' चं शूटिंग

मात्र आता काही वेबसाइटने दिलेल्या माहितीनुसार, 'बिग बॉस १८' च्या या वीकेंडच्या वारचं शूटिंग होणार असल्याचं सांगण्यात येतंय. सलमानची सुरक्षा वाढवण्यात आलीये आणि त्याला सुरक्षेच्या करणास्तव कुठेही प्रवास करण्यास मनाई करण्यात आलीये. मात्र तब्बल ६० सुरक्षा कर्मचाऱ्यांच्या उपस्थितीत हे शूटिंग होणार आहे असं सांगण्यात येतंय. त्यामुळे त्यामुळे तो विकेंडला बिग बॉस १८ मधील सदस्यांची शाळा घेणार की नाही याबाबतीत नेटकऱ्यांमध्ये संभ्रम आहे.