मराठी सिनेसृष्टीतील उत्कृष्ट अभिनेते अतुल परचुरे यांनी १४ ऑक्टोबर २०२४ रोजी या जगाचा निरोप घेतला. गेली दोन वर्ष ते कर्करोगासारख्या गंभीर आजाराशी दोन हात करत होते. त्यांच्यावर उपचार झाल्यानंतर ते बरेही झाले होते. मात्र पुन्हा एकदा त्यांचा आजार बळावला. आणि शेवटी अतुल यांचं निधन झालं. अतुल यांच्या निधनाने सगळ्यांनाच मोठा धक्का बसला आहे. काळ आपल्यात असलेला माणूस आज अचानक जग सोडून गेला हे अजूनही अनेकांना खोटं असल्यासारखं वाटत आहे. आपल्या इच्छाशक्तीच्या बळावर आजारावर मात करणारा हा अभिनेता अखेर हरला आणि आपल्याला सोडून गेला त्यामुळे कलाकारही पोस्ट करत त्यांना श्रद्धांजली वाहत आहेत. अशातच बॉलिवूड अभिनेते संजय मिश्रा यांनीही या हरहुन्नरी कलाकारासाठी पोस्ट केली आहे.
अतुल हे मराठीप्रमाणे बॉलिवूडमध्येही सक्रीय असत. बॉलिवूडचे लोकप्रिय अभिनेते संजय मिश्रा यांच्यासोबतचा त्यांनी 'ऑल द बेस्ट' या चित्रपटात काम केलं होतं. या चित्रपटातील त्यांचा एक सीन प्रचंड गाजला होता जेव्हा संजय आणि अतुल दोघे एकमेकांशी बोलतात आणि अतुल यांनी अडचण सांगितल्यावर संजय त्यांना जस्ट चिल असं म्हणतात. आता हाच सीन आठवून संजय यांनी मित्रासाठी पोस्ट केली आहे. संजय यांनी ट्विटरवर एक ट्वीट करत लिहिलं, 'धोंडू अरे एवढी काय घाई होती तुला जायची, आता मी जस्ट चिल कुणाला म्हणू' यासोबत त्यांनी एक हात जोडलेला ईमोजी शेअर केला आहे. आणि त्यांचा चित्रपटातील जस्ट चिलवाला व्हिडिओ शेअर केला आहे. यावर नेटकरीही भावुक झाले आहेत.
अतुल परचुरे यांच्या पार्थिव देहावर आज दुपारी ११ च्या सुमारास शिवाजी पार्क स्मशानभूमीवर अंतिम संस्कार करण्यात येणार आहेत. त्यांच्या जाण्याने आता सिनेसृष्टीत मोठी पोकळी निर्माण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
