आपल्या मधाळ आवाजानं रसिकांना मंत्रमुग्ध करणारी राष्ट्रीय पुरस्कार प्राप्त गायिका सावनी रविंद्र ही प्रेक्षकांची लाडकी आहे. तिने आपल्या आवाजाने प्रेक्षकांना भुरळ घातली आहे. प्रत्येक स्त्रीप्रमाणे सावनीही घर संसार आणि करिअर अशी धावपळ करताना दिसते. तरीही ती नेहमीच काहीतरी नवनवीन गोष्टी तिच्या प्रेक्षकांसाठी करत असते. तिने नुकताच सावनी म्युझिक पॉडकास्ट शो सुरु केला आहे. हा शो संगीतविश्वातील पहिलाच ‘मराठी म्युझिक पॉडकास्ट’ आहे. ज्यात स्वतः गायिका लोकप्रिय गायक, संगीतकार, वादक यांच्यासोबत मनसोक्त संगीतविषयक गप्पा मारणार आहे. महत्वाचं म्हणजे सावनी रवींद्रने सुरू केलेला हा पॉडकास्ट संगीत विश्वातील पहिलाच पॉडकास्ट शो ठरला आहे.
या पॉडकास्टच्या पहिल्याच भागात राष्ट्रीय पुरस्कार प्राप्त गायक राहुल देशपांडे हे उपस्थित होते. सावनी म्युझिक या युट्यूब चॅनेलवर हा पहिलाच भाग आपण पाहू शकतो. यापूर्वी सावनीने मराठी, हिंदी, गुजराती, तमिळ, तेलुगू, मल्याळम, कन्नडा, कोंकणी अशा प्रादेशिक भाषांमध्ये गाणी गायली आहेत. तसेच गेल्यावर्षीच्या बहुचर्चित 'बाईपण भारी देवा' या चित्रपटातील सावनीने गायलेली मंगळागौर सगळ्यांच्याच पसंतीस पडली.
सावनी तिच्या म्युझिक पॉडकास्टविषयी सांगते, “मी एक संगीताची विद्यार्थी म्हणून गेली अनेक वर्ष या संगीतसृष्टीत काम करत आहे. काही चढउतार देखील मी पाहिले. तर या प्रवासात अनेक माणस प्रत्यक्ष अप्रत्यक्ष मला भेटली. त्यांच्याकडून अनेक गोष्टी मला शिकायला मिळाल्या. म्युझिक पॉडकास्टच्या निमित्ताने संगीतात नवनवीन प्रयोग करू इच्छिणाऱ्या गायकांसाठी तसेच या क्षेत्रात असणाऱ्या सर्व कलाकारांसाठी, जाणकार प्रेक्षकांसाठी मी हा पोडकास्ट सुरू केला आहे. सर्वांनी नक्कीच हा पॉडकास्ट पाहा. आणि मला कमेंट्सद्वारे आपल्या प्रतिक्रिया माझ्यापर्यंत पोहोचवा.”
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
