मराठी सिनेसृष्टीतील दिग्गज अभिनेत्रींपैकी एक असणाऱ्या अभिनेत्री म्हणजे सविता मालपेकर. अनेक मालिका, चित्रपट आणि नाटकांमधून त्यांनी आपल्या अभिनयाची छाप पाडली. त्यांनी अनेक दिग्गज कलाकारांसोबत काम केलं. अशोक सराफ, निळू फुले, विक्रम गोखले, भक्ती बर्वे यांसारख्या अनेक हरहुन्नरी कलाकारांसोबत त्यांनी स्क्रीन शेअर केली. मात्र त्यांची सगळ्यात जास्त लक्षात राहिलेली भूमिका म्हणजे महेश मांजरेकर दिग्दर्शित 'काकस्पर्श' या चित्रपटातील भूमिका. या चित्रपटासाठी सविता यांनी चक्क टक्कल केलं होतं. मात्र त्या चित्रपटासाठी टक्कल करायला का तयार झाल्या हे त्यांनी एका मुलाखतीत सांगितलंय.
सविता यांनी नुकतीच लोकमत फिल्मीला मुलाखत दिली. या मुलाखतीत बोलताना त्यांनी मांजरेकरांसोबतचा अनुभव सांगितला. त्या म्हणाल्या, 'मी कधीही कुणाकडे काम मागितलं नाही. एकदाच काम मागितलं ते म्हणजे महेश मांजरेकरांकडे. एक महोत्सव होता. तिथे अमेय खोपकरने सगळ्या कलाकारांना बोलावलेलं. तेव्हा व्हीआयपी रूममध्ये मी बसलेले आणि महेश आणि मेधा आले. आधी मी महेशकडे काम केलेलं पण अगदी छोटंसं. तेव्हा काय वाटलं काय माहीत. मी महेशचा हात धरला आणि म्हणाले महेश मला खूप चांगलं काम करायचंय रे तुझ्याकडे. तर त्याने असं बघितलं. मेधाकडे बघितलं आणि विचारलं टक्कल करशील? मी म्हणाले हो.'
कारण सांगत त्या पुढे म्हणाल्या, 'त्या हो वर मी टक्कल केलंय. कारण इतका मोठा निर्माता, इतका मोठा कलाकार स्त्री कलाकाराला जेव्हा केशवपन करशील का असं विचारतो, याचाच अर्थ त्याच्यात काहीतरी असेल ना. या रोलमध्ये काहीतरी असेल. महेशचा माझ्यावर असणारा विश्वास हा मला तेव्हा खूप मोठा वाटला. नाहीतर असं कुणी कुणाला विचारणार नाही ना. आणि आपण म्हणतो ना आपली इच्छाशक्ती स्ट्रॉन्ग असली पाहिजे. तर काकस्पर्शसारखा चित्रपट करण्यासाठी मी ३२ वर्ष वाट बघितलीये. पण माझं मन मला सांगत होतं की आपल्याला कधीतरी असा रोल करायला मिळेल. आणि तो मला तेव्हा मिळाला.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
