Latest Bollywood News: बॉलिवूड अभिनेता सलमान खान याला यापूर्वी धमकीचे फोन करण्यात आले होते. सलमाच्या घरावर गोळीबारही झाला होता. आता त्याच्या नंतर बॉलिवूडचा किंग खान शाहरुख खान यालाही धमकी देण्यात आली आहे. शाहरुखला जीवे मारण्याची धमकी मिळाली आहे. यासंदर्भात वांद्रे पोलीस ठाण्यात गुन्हा दाखल करण्यात आलाय. तर हा कॉल रायपूरहून आल्याचं स्पष्ट झालाय. त्यामुळे अधिक चौकशीसाठी मुंबई पोलिसांचं पथक रायपूरमध्ये दाखल झालंय. शाहरुखच्या जीवितालाही धोका असल्याचं समोर आलंय. त्यामुळे त्याचे चाहते चिंतेत आहेत.
यापूर्वी सलमान खानला धमकीचा फोन आला होता. त्याच्या घरावर गोळीबार करण्यात आला. लॉरेन्स बिष्णोई याने या हल्ल्याची जबाबदारी घेतली होती. मात्र आता त्याच्या पाठोपाठ शाहरुखला धमकीचा फोन आलाय. पोलीस यासंदर्भात पुढील तपास सुरू केलाय. त्यासाठी पोलिसांचं एक पथक रायपूरमध्ये हजर झालंय. यापूर्वी बाबा सिद्दीकी यांची हत्या करण्यात आली होती. मात्र बाबा सिद्दीकी यांच्या अंतिम संस्कारालादेखील शाहरुख हजर नव्हता. इतकंच नाही तर तो यावेळेस त्याच्या वाढदिवशी देखील मन्नतच्या बाहेर आला नाही. दरवर्षी शाहरुख वाढदिवशी बाहेर येऊन हस्तोलंदन करतो. मात्र यावर्षी त्याने असं काहीही केलं नाही. त्यामुळे चाहत्यांच्या मनातही प्रश्नचिन्ह होतं.
आता शाहरुखला धमकीचा फोन आल्यानंतर पोलीस सतर्क झालेत. तर शाहरुखचे चाहते मात्र आता काळजीत पडले आहेत. तर दुसरीकडे सलमान खान धमकी प्रकरणात एकाला अटक करण्यात आली आहे. वरळी पोलिसांनी थेट बंगळुरूमध्ये कारवाई करत त्या व्यक्तीला अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
