मराठी चित्रपटसृष्टीतही आता लगीनघाई सुरू झालीये. नुकतीच अभिनेत्री स्नेहा चव्हाणने लग्नगाठ बांधली. तिने तिचे लग्नाचे फोटोही चाहत्यांसोबत शेअर केले. आता मराठी मालिका सृष्टीतील आणखी एक अभिनेता लग्नबंधनात अडकणार आहे. झी मराठीवरील लोकप्रिय मालिका 'शिवा' मधील आशु म्हणजेच अभिनेता शाल्व किंजवडेकर लवकरच विवाहबंधनात अडकणार आहे. आशूची लगीनघाई आता सुरू झाल्याचं दिसतंय. त्याने नुकतेच त्याचे केळवणाचे फोटो शेअर केले आहेत. शनिवारी शाल्वच्या मित्रमंडळींनी त्याचं आणि त्याची होणारी पत्नी श्रेया यांचं पहिलं केळवण केलं. त्यांनी त्यांच्या केळवणाचे काही फोटो शेअर केलेत. तर त्यांच्या लग्नाची तारीखही सांगितलीये.
'येऊ कशी तशी मी नांदायला' या मालिकेतून शाल्व घराघरात पोहोचला. त्याची आणि स्वीटूची जोडी प्रेक्षकांच्या पसंतीस उतरली. सध्या शाल्व 'शिवा' या मालिकेत आशूच्या भूमिकेत दिसतोय. त्याच्या हा भूमिकेला देखील प्रेक्षकांचं भरभरून प्रेम मिळतंय. आता शाल्व श्रेया दफळापूरकर हीच्यासोबत लग्नबंधनात अडकणार आहे. त्यांनी त्यांचे केळवणाचे सुंदर फोटो शेअर केलेत. सोबतच त्यांच्या लग्नाची तारीखही सांगितली आहे. त्यांनी हे फोटो शेअर करत वन मंथ टू गो असं लिहिलंय. म्हणजेच ९ डिसेंबर रोजी ते दोघे लग्नबंधनात अडकणार आहेत.
श्रेया आणि शाल्वबद्दल सांगायचं तर ते दोघे कॉलेजपासूनचे मित्र आहेत. श्रेया दफळापूरकर ही फॅशन डिझायनर असून ‘हाऊस ऑफ तक्षी’, ‘ तलम’ या कपड्यांचा ब्रँडची मालकीण आहे. श्रेयाने काही मराठी प्रोजेक्टसाठी कॉस्टयुम डिझायनर म्हणूनही काम केलंय. तर शाल्व आणि श्रेया यांच्या लग्नासाठी चाहतेही उत्सुक आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
