संगीत विश्वातील दिग्गज गायक व संगीतकार शंकर महादेवन, गायक महेश काळे आणि राहुल देशपांडे यांनी आपल्या सुरेल आवाजाने नेहमीच प्रेक्षकांना मंत्रमुग्ध केले. जगभरात यांचा चाहतावर्ग आहे. तसेच आता संगीत क्षेत्रातील हि दिग्गज तिकडी एका गाण्याच्या माध्यमातून एकत्र आली आहे. या आधीही या तिघांनी एकत्र येऊन गायली मात्र आता पहिल्यादांच हे तिघे चित्रपटातील गाण्यासाठी एकत्र आले आहेत. "वंदन हो" असे या गाण्याचे नाव असून संगीत मानापमान या चित्रपटातील हे गाणं आहे. नुकतेच शंकर महादेवन, महेश काळे आणि राहुल देशपांडे यांनी मुंबईतील एका स्टुडिओमध्ये हे गाणं शूट केलं.