छोटा पडदा आणि मोठ्या पडदा गाजवणारा लोकप्रिय अभिनेता सिद्धार्थ चांदेकर याने त्याच्या अभिनयाच्या जोरावर प्रेक्षकांच्या मनात स्वतःचं स्थान मिळवलं. त्याने अनेक उत्तम चित्रपटात काम करत स्वतःला सिद्ध केलं. सिद्धार्थ चाहत्यांमध्ये सर्वाधिक चर्चेत आला जेव्हा त्याने त्याच्या आईचं दुसरं लग्न लावण्याचा निर्णय घेतला. त्याच्या या निर्णयाचा आधी अनेकांना धक्का बसला होता. मात्र त्यानंतर चाहत्यांनी त्याच्या निर्णयाचं कौतुक केलं. सध्या सिद्धार्थ 'मी होणार सुपरस्टार' या स्टार प्रवाह वाहिनीवरील कार्यक्रमाचं सूत्रसंचालन करताना दिसतोय. आता याच कार्यक्रमात सिद्धार्थला आणखी एक सरप्राईज मिळणार आहे. कार्यक्रमात त्याच्या आईची आणि सावत्र वडिलांची एंट्री होणार आहे.
सिद्धार्थने २३ ऑगस्ट २०२३ रोजी आईचं दुसरं लग्न लावलं होतं. आईसाठी योग्य वर पाहून त्याने आईची पाठवणी केली होती. आता 'मी होणार सुपरस्टार- छोटे उस्ताद ३' मध्ये त्याला गोड सरप्राइज मिळणार आहे. स्टार वाहिनीच्या इंस्टाग्राम पेजवर एक व्हिडिओ शेअर करण्यात आला आहे. ज्यात आदर्श शिंदे सिद्धार्थला म्हणतो की त्याच्यासाठी खास भेट आहे. त्यानंतर मंचावर त्याच्या आईची, पत्नीची आणि सावत्र वडिलांची एंट्री होते. त्यांना पाहून सिद्धार्थ थोडासा भावुक होतो. आई त्याला ओवाळते. तर सिद्धार्थ त्यांच्या कुटुंबातील नव्या सदस्याची ओळख करून देतो. तो म्हणतो, 'हे आमच्या फॅमिलीतले नवे मेंबर आहेत. हे दोघेही एकमेकांना चांगलं कॉम्प्लिमेंट करतात.'
त्यावर सिद्धार्थचे वडील म्हणतात, 'आम्ही आयुष्याच्या व्याकरणातले सगळे नियम मोडलेत आणि आता आम्ही सगळे एकमेकांचे सर्वस्व आहोत.' त्यांचा हा व्हिडिओ आता सोशल मीडियावर व्हायरल होतोय. नेटकऱ्यांनी त्यांना खऱ्या आयुष्यातही असंच आनंदात आणि एकत्र राहण्याचा सल्ला दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.