लोकप्रिय भारतीय क्रिकेटर हार्दिक पांड्या गेल्या काही महिन्यांपासून सोशल मीडियावर चर्चेत आहे. त्याचा आयपीएलमधील खराब फॉर्म, नताशासोबतच घटस्फोट, मुलाची कस्टडी या सगळ्यामुळे तो गेले अनेक दिवस नेटकऱ्यांच्या निशाण्यावर होता. नताशा त्याला घटस्फोट देऊन मायदेशी निघून गेल्यानंतर त्याच्या आणि एका ब्रिटिश गायिकेच्या नात्याची चर्चा रंगली. एकाच ठिकाणाहून एकाच वेळी फोटो शेअर केल्यामुळे ते दोघे एकमेकांना डेट करत असल्याच्या चर्चांना उधाण आलं. आता हार्दिक पांड्या एका वेगळ्याच कारणामुळे चर्चेत आहे. एका बॉलिवूड अभिनेत्रीने त्याच्यावरील प्रेमाची कबुली दिली आहे.
नताशासोबतच्या घटस्फोटानंतर हार्दिकचं नाव अनन्या पांडे आणि सिंगर जास्मिन वालिया हिच्याशी जोडलं गेलं. आता आणखी एका अभिनेत्रीने आपलं त्याच्यावर प्रेम असल्याचं सांगितलं आहे. 'प्यार का पंचनामा' चित्रपटातील अभिनेत्री इशिता राज हिने सगळ्यांसमोर तिच्या हार्दिकवरील प्रेमाची कबुली दिली आहे. इशिताने नुकतीच फिल्मीज्ञानला मुलाखत दिली. या मुलाखतीत तिने हार्दिक हा आपला आवडता क्रिकेटर असल्याचं सांगितलं आहे. सोबतच मला तो आवडतो असं म्हटलं आहे. मुलाखतीत ती म्हणाली, 'हार्दिक एक ऑल राऊंडर आणि चांगला क्रिकेटर आहे. त्याची बॅटिंग बघताना मजा येते. माझं हार्दिकवर प्रेम आहे आणि मला तो आवडतो.'
अभिनेत्रीच्या या वक्तव्याने नेटकऱ्यांच्या भुवया मात्र उंचावल्या आहेत. इशिता राज ही एक प्रसिद्ध बॉलिवूड अभिनेत्री आहे. तिने प्यार का पंचनामा, सोनू के टिटू की स्वीटी, प्यार का पंचनामा २, यारम, जय मम्मी दी, प्रतिष्ठान अशा सिनेमांमध्ये काम केलं आहे. अलिकडेच तिचा वाइल्ड वाइल्ड पंजाब हा सिनेमा ओटीटीवर रिलीज झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
