तेलंगणामध्ये एका कार्यक्रमात एक मोठी घटना घडली आहे. लोकप्रिय दाक्षिणात्य अभिनेत्री प्रियंका मोहन एका मोठ्या अपघातातून बचावली आहे. या अपघातात तिला किरकोळ मार लागला आहे. ३ ऑक्टोबर रोजी प्रियंका तेलंगणामध्ये एका कार्यक्रमात पोहोचली होती. एका शॉपिंग मॉलच्या उद्धघाटनासाठी अभिनेत्रीसोबत काँग्रेस नेत्या झाँसी रेड्डीदेखील उपस्थित होत्या. मात्र या कार्यक्रमात स्टेजवर गर्दी झाल्याने अचानक संपूर्ण स्टेजचं खाली कोसळला. या घटनेत अभिनेत्रीला किरकोळ मार लागला मात्र झाँसी रेड्डीसोबत तीन व्यक्ती गंभीर जखमी झाले. हा व्हिडिओ आता सोशल मीडियावर व्हायरल होतोय.
या घटनेनंतर प्रियंका मोहनने वर एक ट्वीट करत चाहत्यांचे आभार मानले. तिने लिहिले, 'मी माझ्या चाहत्यांना सांगू इच्छिते की मी ठीक आहे. मी भाग्यवान आहे की मला फक्त किरकोळ दुखापत झाली आणि मी बचावले. तिने पुढे लिहिले की, 'या घटनेत जे जखमी झाले आहेत ते लवकरात लवकर बरे व्हावेत अशी माझी इच्छा आहे. त्याला माझ्या शुभेच्छा. ज्यांनी मला प्रेमळ आणि काळजी घेणारे संदेश पाठवले त्या प्रत्येकाचे मी आभार मानू इच्छिते.
तिरूरमध्ये घडलेल्या या घटनेचा व्हिडिओही सोशल मीडियावर व्हायरल होत आहे. स्टेजवर अनेक लोक उभे असल्याचं व्हिडिओमध्ये दिसत आहे. काही सेकंदातच स्टेज कोसळून खाली पडतो आणि आवाज येतो. प्रियांकाला किरकोळ दुखापत झाली असून, तिला तातडीने घटनास्थळावरून हलवण्यात आले.
प्रियांका मोहनच्या चित्रपटांबद्दल बोलायचं झालं तर ती लवकरच जयम रवी स्टारर 'ब्रदर' या चित्रपटात दिसणार आहे, जो 31 ऑक्टोबर रोजी प्रदर्शित होणार आहे. जयम रवीसोबतच्या तिच्या लग्नाचा एक फोटोही व्हायरल होत आहे, ज्यामुळे चाहत्यांना वाटलं की तिने लग्न केलं आहे. मात्र हा व्हायरल झालेला फोटो 'ब्रदर'च्या शूटचा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
