Suraj Chavan Speech: सध्या सगळीकडे निवडणुकीची रणधुमाळी पाहायला मिळत आहे. त्यात अनेक ठिकाणी नेते भाषणं करताना दिसत आहेत. आता अशातच 'बिग बॉस मराठी ५' चा विजेता सुरज चव्हाण याने केलेलं एक भाषण सध्या सोशल मीडियावर व्हायरल होतंय. 'बिग बॉस माथी सीझन ५ ची ट्रॉफी सुरजने आपल्या नावावर केली. त्यानंतर त्याला महाराष्ट्रातून प्रचंड प्रेम मिळालं. अशातच सुरजने आता राष्ट्रवादी नेते अजित पवार यांच्या सभेला हजेरी लावली. या सभेत त्याने दमदार भाषणही केलं. त्याचा हा व्हिडिओ सध्या सोशल मीडियावर व्हायरल होतोय. या सभेत त्याने अजित पवार यांना मत देण्याचं आवाहन केलं आहे.
सुरजचा एक व्हिडिओ सध्या सोशल मीडियावर व्हायरल होतोय ज्यात तो तोंडाला कपडा लावून गर्दीतून मंचावर येताना दिसतोय. त्याला पाहून सगळेच जोरजोरात ओरडू लागले. त्यावेळी युवा नेते जय पवार यांनी पुष्पगुच्छ देऊन त्याचं स्वागत केलं. त्यानंतर एक कार्यकर्ता सुरजच्या कानात काहीतरी सांगतो अन् सुरज भाषण करण्यासाठी उभा राहतो. नेहमीप्रमाणे हसरा चेहरा घेऊन सुरज स्टेजवर उभा राहतो आणि सगळ्यांना हात जोडून नमस्कार करतो.
सूरज म्हणतो, 'ओम नम: शिवाय… हर हर महादेव… गणपती बाप्पा मोरया… अशा घोषणा सुरज चव्हाणने भाषणाच्या सुरुवातीला दिल्या. माझं स्वप्न अजितदादांनी पुर्ण केलंय अन् गरिबांना दादांनी मदत केलीये. त्यामुळं मी मनापासून दादांचं आभार मानतो. आपण सगळ्यांनी दादांना फुल मतदान करा अन् खवून मतदान करा. सगळ्यांनी झापूक झुपूक मतदान करा.' असं म्हणत सुरजने सगळ्यांना आवाहन केलं आहे.
तर दुसरीकडे सूरजच्या गावातल्या नव्या घराचा भूमीपूजन सोहळा पार पडला. त्यावेळी सुरज चव्हाणने अजित पवारांचे आभार देखील मानले होते. येत्या 9 महिन्यात सूरजचं घर तयार होणार आहे. तब्बल 2000 स्केवअर फुट असलेलं घर सुरच चव्हाणसाठी बांधलं जाणार आहे, अशी माहिती देखील मिळाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
