गेली कित्येक दिवस प्रेक्षक ज्या गोष्टीची वाट पाहत होते तो क्षण अखेर आला आहे. 'बिग बॉस मराठी ५' चा महाअंतिम सोहळा मोठ्या दिमाखात पार पडला आणि या सोहळ्यात रीलस्टार सुरज चव्हाण याने 'बिग बॉस मराठी ५' ची ट्रॉफी आपल्या नावावर केली आहे. बारामतीचा सुरज चव्हाण हा बिग बॉस मराठीच्या पाचव्या सीझनचा विजेता ठरला आहे. बिग बॉसच्या इतिहासात पहिल्यांदाच एका रीलस्टारने 'बिग बॉस मराठीची ट्रॉफी जिंकली आहे, त्यामुळे सुरजच्या चाहत्यांचा आनंद अनावर झाला आहे. त्याच्यावर प्रेक्षक शुभेच्छांचा वर्षाव करत आहेत.
गुलिगत धोका फेम सुरज हा बारामतीच्या एका छोट्याश्या गावातला मुलगा आहे. रील बनवून टिकटॉकवर सूरजला प्रसिद्धी मिळाली. अत्यंत गरीब परिस्थितीतून वर येत सूरजने स्वतःचं अस्तित्व निर्माण केलं. पैसे कमावण्यासाठी सुरजने वेळप्रसंगी माथाडी कामगाराचं कामही केलं. त्याचा इथवरच प्रवास मुळीच सोपा नव्हता. शिकलेला नसल्याने त्याला बिग बॉसच्या घरात अनेक अडचणींचा सामना करावा लागला. त्यामुळे सुरजने या कार्यक्रमात येण्यास नकार दिला होता. बिग बॉस मराठीच्या टीमने त्याची त्याच्या गावी जाऊन समजूत काढली होती. त्याच्या साधेपणाने त्याने सगळ्यांची मनं जिंकली. आपल्या वागण्यामुळे, प्रत्येकाचा आदर करण्याच्या सवयीमुळे, टास्कमध्ये चांगली कामगिरी केल्यामुळे सूरजला सगळ्यांचा मोठा पाठिंबा मिळाला. अखेर सगळ्या अडचणींचा सामना करत सूरज आता बारामतीचा किंग ठरला आहे.
'बिग बॉस मराठी ५' ची ट्रॉफी आपल्या नावे केल्यानंतर आता त्याच्यावर चाहत्यांकडून शुभेच्छांचा वर्षाव होत आहे. सुरजमुळे तळागाळातील प्रेक्षकही 'बिग बॉस मराठी' सारख्या कार्यक्रमाशी जोडला गेला. आता बारामतीकर सुरजचं कसं स्वागत करणार हे पाहणं औसुक्याचं ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
