Marathi Entertainment News Updates: 'ओळख', 'का रे दुरावा', 'एक घर मंतरलेलं' या मालिकांमधून प्रेक्षकांच्या मनात स्थान मिळवणारी लोकप्रिय अभिनेत्री म्हणजे सुरुची अडारकर. सुरुचीला 'का रे दुरावा' या मालिकेतून खरी ओळख मिळाली. तिने आपल्या अभिनयाने मराठी सिनेसृष्टीत स्वतःची वेगळी ओळख निर्माण केली. काही महिन्यांपूर्वी सुरुची लग्नबंधनात अडकली. तिने मराठी अभिनेता पियुष रानडे याच्यासोबत थाटामाटात लग्न केलं. पियुषचं हे तिसरं लग्न होतं तर सुरुचीचं हे पहिलं लग्न होतं. त्यांच्या लग्नाचे फोटो पाहून चाहत्यांना मोठा धक्का बसला होता. आता तिने तिच्या पहिल्या मंगळागौरीचे फोटो चाहत्यांसोबत शेअर केले आहेत.
पियुष आणि सुरुची यांच्याबद्दल जाणून घेण्यास चाहते कायम उत्सुक असतात. एका मुलाखतीत सुरुचीने पियुषचं कौतुक करत तो आपल्याला घरीही कामात मदत करतो असं सांगितलं होतं. ती त्यांचे फोटोही शेअर करत असते. आता या श्रावणात सुरुचीने तिची पहिली मंगळागौर साजरी केली आहे. त्याचेही काही फोटो तिने शेअर केले आहेत. यात पियुषही तिच्यासोबत दिसत आहे. यात सुरुचीचा लूक पाहून चाहते खुश झाले आहेत. तिने गुलाबी रंगाची साडी नेसली आहे तर नाकात नथ घातली आहे. तिच्या दंडातल्या बाजुबंदाने सगळ्यांचं लक्ष वेधून घेतलं आहे.
गळ्यात मंगळसूत्र आणि छोटासा नेकलेस, केसात गजरा असा लूक तिने केला आहे. या फोटोत तिच्यासोबत अभिनेत्री अर्चना निपणकरदेखील दिसत आहे. एका फोटोमध्ये तिने अन्नपूर्णा देवीची मूर्ती ठेवून तिची पूजा केली आहे, तर एका फोटोत ती पियुष रानडे याच्यासोबत दिसतेय. तिचे हे फोटो सोशल मीडियावर व्हायरल होत आहेत. चाहत्यांनी तिच्या फोटोवर लाइक आणि कमेंचा वर्षाव केला आहे. सुरुची यापूर्वी 'सातव्या मुलीची सातवी मुलगी' या मालिकेत दिसली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
