सर्वांचा लाडका दगडू म्हणजेच अभिनेता प्रथमेश परब नेहमीच आपल्या अभिनयाने प्रेक्षकांचे मनोरंजन करत असतो. काही महिन्यांपूर्वीच त्याचा डिलिव्हरी बॉय हा चित्रपट प्रदर्शित झाला होता. अशातच आता तो पुन्हा एकदा प्रेक्षकांच्या भेटीला येत आहे. त्याचा‘श्री गणेशा' हा चित्रपट लवकरच प्रदर्शित होणार आहे. नुकतेच या चित्रपटाची घोषणा मोशन पोस्टर प्रदर्शित करून करण्यात आली. तसेच यात प्रथमेश परबसह संजय नार्वेकर, शशांक शेंडे, मेघा शिंदे यांच्या देखील भूमिका आहेत.
कायम लांबलचक केसांमध्ये दिसणाऱ्या प्रथमेशची बदललेली हेअर स्टाईल मोशन पोस्टरवर दिसते. या चित्रपटाच्या निमित्ताने प्रथमेश आणि मिलिंद कवडे यांचं रियुनियन झालं आहे. 'टकाटक'सारखा धमाल ब्लॅाकबस्टर देणारी ही जोडी पुन्हा एकदा प्रेक्षकांचे मनोरंजन करण्यासाठी सज्ज झाले आहेत. एमएच-१२ सिने मीडियाने आऊट ऑफ द बॅाक्स फिल्म्सच्या सहयोगाने प्रस्तुत 'श्री गणेशा' हा या चित्रपटाची निर्मिती संजय माणिक भोसले आणि कांचन संजय भोसले यांनी केली आहे. तर मिलिंद कवडे यांनी या चित्रपटाचे दिग्दर्शन केले असून त्यांनीच या चित्रपटाची कथा लिहिली आहे.
तर पटकथा मिलिंद आणि संजय नवगिरे यांनी एकत्र मिळून लिहिली आहे. संवादलेखन संजय नवगिरे यांनी केलं आहे. गीतकार जय अत्रे आणि मंदार चोळकर यांनी लिहिलेल्या अर्थपूर्ण गीतांना सुमधूर संगीतसाज चढवण्याचं काम संगीतकार वरुण लिखते यांनी केलं आहे. पार्श्वसंगीत अभिनय जगताप यांनी दिलं असून, संकलन गुरु पाटील यांनी केले आहे. सिनेमॅटोग्राफी डीओपी हजरत शेख वली यांनी केली आहे. दरम्यान हा चित्रपट २० डिसेंबर रोजी प्रदर्शित होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
