ठाकुर अनूप सिंह हे नाव सध्या मोठ्या प्रमाणात चर्चेत आलं आहे. 'धर्मरक्षक धर्मवीर छत्रपती संभाजी महाराज' या मराठी चित्रपटात तो छत्रपती संभाजी महाराजांची भूमिका साकारतोय. वैमानिक ते अभिनेता असा अनूप सिंहचा प्रवास आहे. महाभारत या स्टार प्लस वाहिनीवरील लोकप्रिय मालिकेतही अनूपने महत्त्वाची भूमिका साकारली होती. या मालिकेत तो धृतराष्ट्रच्या भूमिकेत झळकला होता. या मालिकेतून अनूपला लोकप्रियता मिळाली, त्यानंतर बॉडीबिल्डींग, विविध भाषिय चित्रपटांमध्येही त्याने काम केलय. मात्र आगामी मराठी चित्रपटाबद्दल बोलताना त्याने त्याचा प्रवास सांगितला. सकाळ माध्यमाशी बोलताना अनूपने महाभारतच्या ऑडिशनचा किस्सा शेयर केला आहे.