घटस्फोटाच्या चर्चांमध्ये दिवाळी पार्टीसाठी आली उर्मिला मातोंडकर; पण त्या गोष्टींवर खिळली नेटकऱ्यांची नजर, म्हणाले-

बॉलिवूडचे लोकप्रिय फॅशन डिझायनर मनीष मल्होत्रा दरवर्षी बॉलिवूड कलाकारांसाठी दिवाळी पार्टीचं आयोजन करतात. या वर्षीही त्यांनी एका पार्टीचं आयोजन केलं होतं. या समारंभासाठी अनेक कलाकारांनी त्यांच्या घरी हजेरी लावली होती. रेखा, आलिया भट्ट, श्रद्धा कपूर यांसारख्या अनेक अभिनेत्रींनी देखील या कार्यक्रमाला हजेरी लावली. मात्र सगळ्यांच्या भुवया तेव्हा उंचावल्या गेल्या जेव्हा अभिनेत्री उर्मिला मातोंडकर हिने सुंदर सजून या कार्यक्रमात एंट्री केली. तिने आपल्या ड्रेसने लाइमलाइट तर लुटलीच पण तिला पाहून नेटकरीही आनंदी झाले. घटस्फोटाच्या निर्णयानंतर पहिल्यांदाच उर्मिला अशा कार्यक्रमात दिसली. मात्र एका गोष्टीने नेटकऱ्यांचं लक्ष वेधून घेतलं.

मीडिया रिपोर्ट्सनुसार, उर्मिलाने तिचा आठ वर्षांचा संसार मोडण्याचा निर्णय घेतलाय. ती आपला पती मोहसीन अख्तर मीरपासून घटस्फोट घेणार आहे. तिने पाच महिन्यांपूर्वीच घटस्फोटासाठी कोर्टात अर्ज दाखल केलाय. मात्र या गोष्टीची माहिती तिने चार महिन्यानंतर चाहत्यांना दिली. इटाइम्सने दिलेल्या माहितीनुसार, उर्मिलाने पाच महिन्यांपूर्वी घटस्फोटाचा अर्ज दाखल केलाय मात्र त्यांचा घटस्फोट हा परस्पर सहमतीने होत नाहीये. अशातच तिने मनीष मल्होत्रा यांच्या दिवाळी पार्टीत निळ्या रंगाच्या ड्रेसमध्ये हजेरी लावली. मात्र एका गोष्टीने सगळ्यांच लक्ष वेधून घेतलं ते म्हणजे या समारंभात तिने मंगळसूत्र आणि कुंकू लावलं नव्हतं. तिची लग्नाची अंगठीदेखील गायब होती.' त्यावरून सोशल मीडियावर चांगलीच चर्चा रंगली आहे.

उर्मिलाचा हा व्हिडिओ पाहिल्यानंतर नेटकऱ्यांनी अनेक कमेंट केल्या आहेत. एकाने लिहिलं, 'हीचं वय वाढतच नाहीये का?' दुसऱ्याने लिहिलं, 'ही कोणत्याही कपड्यात किती सुंदर दिसते.' आणखी एकाने लिहिलं, 'अरे बोटातली अंगठी गायब आहे हिची.' दुसऱ्याने लिहिलं, 'यांचं लग्न हे लग्न थोडीच असतं. आज लग्न उद्या घटस्फोट.' 'हिंदुस्तान टाइम्स'ने दिलेल्या रिपोर्टनुसार, उर्मिलाने मोहसीनपासून वेगळं होण्याचा निर्णय घेतला पण त्यामागचं कारण अजून समजू शकलेलं नाही. मात्र हा घटस्फोट परस्पर सामंजस्याने होत नाहीये.